Futbolli Shqiptar në Zvicër

Stërvitja e parë e trajnerit Shaqiri me FC Dardaninë e Basel-it

Nën drejtimin e trajnerit, Arianit Shaqiri, ekipi i FC Dardanisë së Basel-it, i ka nisur stërvitjet në prag të nisjes të sezonit pranveror në Ligën e Dytë të Zvicrës Veriperëndimore, njofton albinfo.ch.

Të enjten në mbrëmje ishte edhe grumbullimi i parë i stafit të ri teknik të dhe futbollistëve të FC Dardanisë.

“Një atmosferë shumë e mirë edhe pse me një mot të ftoftë, ishin të pranishëm 18 Lojtarë. Një Start shumë i mirë me një Staf Teknik të motivuar me në krye me Trainerin Arianit Shaqiri. Vazhdojmë tutje”, thuhet në njoftimin e FC Dardanisë.

Ndihmës të trajnerit Arianit Shaqiri, janë Besim Bublica dhe Saimir Gashi.

FC Dardania me stërvitjet për sezonin pranveror do të nisë më 15 janar 2019. Sezonin vjeshtor, FC Dardania e mbylli në vendin e 12-të në tabelë, me vetëm 11 pikë të fituara.

Ndeshjen e parë ekipi i trajnerit Arianit Shaqirit do ta zhvillon më 17 mars 2019, kundër FC Laufen-it.