Shkurt.ch
Studentët zviceranë u bashkohen protestave për ndryshimet e klimës
Disa qytete zvicerane të premten do t’u bashkangjiten protestave të koordinuara klimatike nga studentët, të cilët po demonstrojnë kundër mosveprimit të perceptuar mbi ngrohjen globale. Miliona të rinj pritet të marrin pjesë në protesta të ngjashme në një sërë vendesh anembanë botës këtë fundjavë, përcjell albinfo.ch.
Në disa qytete të Zvicrës u panë të rinjtë të largohen nga shkollat për të dërguar mesazhin e tyre te politikanët dhe udhëheqësit e biznesit.
Policia vlerësoi rreth 10,000 njerëz që morën pjesë në Lausanne, në pjesën frankofone të vendit, dhe pothuajse 2,000 në Neuchâtel. Demonstruesit përfshinin shumë të rritur që shoqëronin fëmijët. Në Luzern, Zvicrën qendrore, rreth 1.500 njerëz morën pjesë në tubim, përcjell albinfo.ch.
Mbi 1,000 nxënës të shkollave morën pjesë në një grevë klimatike në rajone të ndryshme zvicerane në dhjetor. Në shkurt numrat u rritën me dhjetëra mijëra njerëz të të gjitha moshave, të cilët u bashkuan me nxënësit në 13 qytete.
Në konferencën e Kombeve të Bashkuara për ndryshimin e klimës në Paris, katër vjet më parë, vendet u zotuan të punonin për të kufizuar rritjen e temperaturës globale në dy gradë Celsius. Por ligjvënësit zviceranë janë të ndarë në atë se cilat masa duhet të miratohen për të përmbushur zotimin e Zvicrës, përcjell albinfo.ch.
Duke folur me gazetarët të enjten në një takim të Programit të Mjedisit të Kombeve të Bashkuara në Nairobi, ministrja zvicerane e Mjedisit, Simonetta Sommaruga, tha se po dëgjon zërat e protestuesve. “Ne duhet të japim përgjigje tani, sepse ndryshimi i klimës ka ardhur edhe në Zvicër”, tha ajo.
Një sondazh i 2,000 të rinjve nga gazeta Blick, botuar të hënën, zbuloi se dy të tretat e të anketuarve donin që qeveria të ndërmarrë veprime radikale urgjente për të luftuar ngrohjen globale. Por studimi gjeti mendime të ndryshme se si duhet bërë kjo.
Të ngjashme
Të tjera nga Shkurt.ch
E-Diaspora
-
Blick: Shaqiri dëshmon sërish pse Zvicra nuk mundet pa të Gazeta zvicerane shkruan se nëse ka pasur dyshime që Përfaqësuesja e Zvicrës në futboll nuk bën...
-
BQK: Dërgesat e mërgatës deri në fund të muajit shkurt 2024 arritën në mbi 174 milionë euro
-
52-vjeçari nga Kosova gjen vdekjen në vendin e tij në punës në Itali
-
Shkolla shqipe në SHBA, me qindra nxënës shqiptarë
-
Mbahet takimi i Kolegjit të kirurgëve të Kësovës me kirurgët nga mërgata
Jeta në Zvicër
-
Shtohet edhe një milioner në Zvicër: Fiton Jackpot-in 2.6 milionë franga Është hera e 85-të që një lojtar me fat fiton Jackpot-in e Zvicrës, sipas një njoftimi...
-
Zvicër: Marsi ishte për 2 gradë më i nxehtë
-
Pritet shumë trafik gjatë fundjavës së Pashkëve
-
Qeveria zvicerane refuzon sërish të nënshkruajë traktatin e armëve bërthamore
-
Zvicër: Tani mashtruesit në internet kanë cak nënat