Integrimi
Studenti kosovar kryeson listën për lojtarin më të mirë të sezonit
Përveç Besnik Shehut në këtë garë, të nominuar janë edhe shqiptarët tjerë: Agron Mala (DSV Fortuna 05) dhe Arijeton Ziba (SV Albania)
Besnik Shehu me futboll ka filluar të merret që në moshën 16 vjeçar. Një ish futbollist i Rahovecit e motivon të bëhet portier. Paraqitjet fantastike të tij bënë që shumë shpejt të inkuadrohet në ekipin e parë të “KF Rahovec”-it ku luan për dy sezone. Pasi u regjistrua në fakultet në Prishtinë, Besniku u transferua në ekipin e parë të klubit futbollistik “KF Flamurtari”. Edhe aty për dy sezone sa ka luajtur ishte i pazëvendësueshëm.
Por, dëshira e tij ishte që kualitetet që posedon t`i shfaq edhe në ndonjë klub të Evropës. Në gusht të vitit 2014 Besniku vendos të vazhdojë studimet për shkencat sportive në Vjenë të Austrisë. Duke njohur shkathtësitë e tij si portier i futbollit, ai vetëm pas dy muajve i ofrohet ekipit të klubit “SPC Helfort” të ligës rajonale të Vjenës. Paraqitjet e shkëlqyeshme të tij me këtë klub, kanë bërë që ai të hyjë në garë për t`u shpallur edhe lojtari më i mirë i sezonit vjeshtor në Landin e Vjenës.
“Performancat e mia në fushën e lojës, kanë bërë që shumë trajnerë dhe ekspertë të futbollit të më nominojnë për titullin e lojtarit më të mirë të këtij sezoni”, shprehet Besniku për “albinfo.ch”.
Shpallja e lojtarit më të mirë bëhet përmes votave të publikut në internet. Votimi do të jetë i hapur deri më 11 dhjetor. Deri më tash, Besniku kryeson bindshëm dhe është pretendent kryesor për të fituar këtë garë.
“Kam përkrahje të jashtëzakonshme të publikut dhe sidomos të shqiptarëve në Austri të cilët po votojnë për mua. Unë besoj dhe jam i bindur se do të dal fitues”, shprehet 23 vjeçari nga Rahoveci.
Besniku thotë se idhull e ka portierin Iker Casilas, ndërsa nuk përjashton mundësinë që një ditë të veshë fanellën e përfaqësueses së Kosovës. “Derisa luaja në “KF Flamurtarin” isha dy herë i ftuar të luaja për reprezentacionin e Kosovës U-21, ndërsa me shumë dëshirë do të doja të jem në ekipin e parë të Kosovës”, nënvizon ai.
Përveç Besnik Shehut në këtë garë janë edhe shqiptarët tjerë: Agron Mala (DSV Fortuna 05) dhe Arijeton Ziba (SV Albania)
E-Diaspora
-
Njoftim për diasporën: Vetëm edhe 10 ditë për regjistrimin e popullsisë, ReKos 2024 Konsullatat e përgjithshme në të gjitha shtetet e Evropës, përfshirë edhe shtetasit shqiptarë në Amerikë dhe...
-
Ardon Jashari, me çmimin “Safp Golden Eleven” si mesfushori më i mirë në Zvicër
-
9-vjeçarja Moda Ademi performoi në koncertin Rock Pop Jazz Night
-
Prof. Dr. Schader: Pa përpjekjet e duhura, shqipja në Zvicër rrezikon të shuhet pas dy brezave
-
Shqipja në Zvicër, pak histori dhe disa probleme aktuale
Jeta në Zvicër
-
Zvicra dhe Kosova marrëveshje bashkëpunimi për projektin “Matching Skills to Jobs” Mbështetja e sistemit të arsimit profesional, ambasadori Sprecher dhe ministrja Nagavci nënshkruan marrëveshje bashkëpunimi për projektin...
-
Ardon Jashari, me çmimin “Safp Golden Eleven” si mesfushori më i mirë në Zvicër
-
9-vjeçarja Moda Ademi performoi në koncertin Rock Pop Jazz Night
-
Migrimi ndërmjet kantoneve zvicerane – fituesit dhe humbësit
-
Rritje e racizmit në shkollat zvicerane