Studim: Zviceranët kanë dukshëm më shumë të ardhura tani

Eksiztojnë dallime rajonale

Pavarësisht inflacionit, një familje mesatare zvicerane ka në dispozicion rreth 7300 franga më shumë se 12 vjet më parë, përcjell albinfo.ch.

Ky është konstatimi i një studimi të publikuar të martën nga Bank Cler’s Swiss Income Monitor dhe BAK Economics.

Si një tregues se si janë rritur të ardhurat mesatare vjetore të familjeve zvicerane – ishin 63,149 franga më 2007, duke arritur në 80,000 sot.

Megjithatë, ka dallime rajonale: sipas studimit, kantonet me taksa të ulëta si Zug, Schwyz dhe Nidwalden, janë në krye të renditjes së të ardhurave. Në Zug, për shembull, të ardhurat mesatare janë 116,000 franga, në Schwyz 102,000 franga, Cyrih 80,000 franga dhe Gjenevë 77,000 franga.

Familjet në Valais dhe Jura fitojnë më së paku – respektivisht 55,000 dhe 51,000.

Arsyeja e pabarazisë së të ardhurave nuk është vetëm norma e taksave, por edhe struktura e industrisë, zbuloi sondazhi.

 

 

 

 

 

 

---