Lajme
Studimi zviceran: Gjumi ‘optimal’ mund të ulë ndjeshëm rrezikun e sëmundjeve të zemrës
Studiuesit në Spitalin Universitar të Lozanës (CHUV) kanë zbuluar se njerëzit me zakone optimale të gjumit kanë një rrezik 63% më të ulët për të zhvilluar sëmundje kardiovaskulare sesa ata me çrregullime të gjumit
Për studimin, studiuesit nga CHUV dhe Instituti Kombëtar Francez i Shëndetit dhe Kërkimeve Mjekësore (Inserm) gjurmuan më shumë se 15,000 njerëz nga Franca dhe Zvicra për deri në dhjetë vjet, deklaroi CHUV, shkruan swissinfo, transmeton albinfo.ch.
Në fillim të studimit dhe më pas dy deri në pesë vjet më vonë, ata llogaritën të ashtuquajturin “Rezultat i gjumit të shëndetshëm” për të gjithë pjesëmarrësit e studimit, duke kombinuar pesë sjellje të gjumit. Rezultati i plotë prej pesë iu dha atyre që flinin shtatë deri në tetë orë në natë, nuk vuanin kurrë ose rrallë nga pagjumësia dhe nuk përjetuan apnea gjumi ose lodhje të tepruar gjatë ditës. Incidenca e sulmeve në zemër dhe goditjeve në tru u monitorua më pas për tetë deri në dhjetë vjet.
Më shumë pikë, rrezik më i ulët
Krahasuar me njerëzit me një rezultat të gjumit të shëndetshëm zero ose një (d.m.th. gjumë shumë i dobët), ata me dy, tre, katër ose pesë pikë kishin një 10% (për dy pikë), 19% (për tre pikë), 38% (për katër pikë) dhe 63% (për pesë pikë) rrezik më të ulët të sëmundjeve kardiovaskulare, që përfshijnë goditjet në tru dhe sulmet në zemër, përcjell albinfo.ch.
Gjetjet u publikuan të premten në European Heart Journal.
“Këto rezultate na inkurajojnë të kujdesemi për gjumin tonë, ashtu siç kujdesemi për trupin tonë”, u citua të thoshte autori i studimit Pedro Marques-Vidal i CHUV në njoftimin e spitalit.
“Shumë shpesh, gjumi i shkurtër shoqërohet me produktivitet të lartë, por një person që fle mirë do të ulë stresin dhe do të ulë faktorët e rrezikut kardiovaskular”, tha ai.
E-Diaspora
-
Sopranoja Elbenita Kajtazi ndan bursa vjetore për studentët shqiptarë të muzikës Sopranoja shqiptare që jeton në Gjermani, Elbenita Kajtazi, gjatë së enjtes ka ndarë bursën e parë...
-
BQK: Mbi 112 milionë euro i sollën mërgimtarët në Kosovë vetëm gjatë marsit
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
Jeta në Zvicër
-
Dështon nisma që donte të ndryshonte Kushtetutën Lansimi i një teksti që synonte reformimin e Kushtetutës Federale është shtyrë. Lëvizja qytetare pas saj...
-
Rritet numri i kopshteve dygjuhëshe në Zvicër
-
Vdekja e ushtarit në Bremgarten cilësohet si vetëvrasje
-
Komisioni bën thirrje për marrëveshje me një vend të tretë për të dëbuar aplikantët e refuzuar nga Eritreja
-
Sa vlen Zvicra për UBS-në?