Sulmohet një qendër vaksinimi në Francë

Me këtë rast janë shkatërruar 500 vaksina

Rreth 500 doza të vaksinave kundër COVID-19 u shkatërruan mbrëmjen e djeshme në Francë, pasi një klinikë vaksinimi pranë Toulouse u plaçkit dhe u vandalizua.

Dëmet ndodhen gjatë orëve të para të mëngjesit. Ndërkohë kryebashkiakja Dominique Faure u shpreh se ende nuk ishte e mundur të thuhej nëse këto akte u kryen nga persona që mbrojnë ideologji ‘anti-vaksinë’.

“Është një rast klasik vandalizmi, tavolinat dhe karriget janë thyer si dhe dy ekrane”, tha ajo, duke shtuar se sistemi i alarmit nuk kishte punuar.

500 shishka që mbanin vaksina anti-COVID u shkatërruan në terren, sipas grupeve hetimore.

‘Ndërkohë, qendra e vaksinimit duhet të rinisë aktivitetin e zakonshëm “para fundit të javës’, shtoi Faure.

Në korrik, një zjarrvënie e qëllimshme shkatërroi një tjetër qendër vaksinimi në qytetin jugor të Urrugne, ndërsa një tjetër zjarr shkatërroi pjesërisht një qendër vaksinimi në Gap, gjatë muajit qershor.

Disa mijëra qytetarë francezë kanë kohë që dalin në demonstrata, çdo fundjavë, në shenjë proteste kundër masave të vendosura së fundmi, që i kërkojnë çdokujt të paraqesë një certifikatë COVID (që provon vaksinimin e plotë) për të hyrë në bare, restorante, vende kulturore, madje edhe qendra të mëdha tregtare./euronews

---