Autotech
Super vetura e prezantuar në Gjenevë
Krijimi i saj i ri, “Battista” iu shpalos botës në “Geneva Motor Show”
Çdo prodhues i respektuar automjetesh ka departamentin e tij të dizajnit. Por, kur duhet ndihmë shtesë, orientim, apo edhe thjesht frymëzim, atëherë hyjnë në lojë emra si “Pininfarina”.
Me një eksperiencë thuajse 90-vjeçare, firma konsultuese italiane e dizajnit njihet më së shumti për bashkëpunimin e saj me Ferrarin, për të cilin ka krijuar mbi 60 vetura sportive ikonë.
Por sot, “Pininfarina” po bën diçka ndryshe, po krijon një makinë që mban emrin e vet asaj.
Krijimi i saj i ri, “Battista” iu shpalos botës në “Geneva Motor Show”. Supervetura ka tipare që nuk ngatërrohen lehtë dhe bashkëpunimi me Ferrarin e bën atë edhe më të rëndësishme. Ekspertiza e tij ka qenë e paçmuar për motorin e shasinë, ndërsa për pjesën e pamjes, aty “Pininfarina” ka shkrirë talentin e saj.
Përpara se të bashkonin forcat, dy kompanitë kanë qenë praktikisht rivale në disa fusha të biznesit të tyre, përcjell albinfo.ch.
Takimi i parë mes Battista “Pinin” Farina dhe Enzo Ferrarit ndodhi në tokë neutrale, në një restorant të “Tortona”-s së gjendur dikur mes zonave që i shërbejnë si bazë për aktivitetin: Torinos dhe Modenës.
Marrëveshja fillestare u arrit në vitin 1951 dhe, që prej atëherë, “Pininfarina” zor se e ka zhgënjyer Ferrarin kur vjen fjala te stili e hijeshia e prodhimeve të tij.
E-Diaspora
-
Shkëlqimi shqiptar dhe eleganca e kohëve të shkuara në ekspozitën e Kristian Zefit Në këtë ekspozitë, në Rothrist (Aargau) do të paraqiten instrumenta tradicionale, artefakte etnografike dhe kostume të...
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit