CH-Ballkani
Superliga e Kosovës në futboll rikthehet më 7 qershor
Kampionati i futbollit në Kosovë do të rikthehet më 7 qershor, kjo si rezultat i përmirësimit të situatës epidemiologjike në vend.
Pas vendimit të Ministrisë së Shëndetësisë për lejimin e garave në Ipko Superligën e Kosovës, Komiteti Ekzekutiv shqyrtoi mundësitë që në këtë rang të garave të nisin zhvillimi i stërvitjeve në përputhje me udhëzimin e Ministrinë e Shëndetësisë dhe Instituti Kombëtar i Shëndetësisë Publike të Kosovës.
KE është i vetëdijshëm për situatën në të cilin gjendet Kosova, por po ashtu është i vetëdijshëm edhe për rëndësinë e përfundimit të garave në Ipko Superligë, pasi që ky rang i garave ka impakt edhe në garat evropiane, prandaj është edhe prioritet, që garat të zhvillohen në këtë ligë që të mos dëmtohen klubet që do ta fitojnë të drejtën e pjesëmarrjes në garat e Evropës.
KE thekson se rruga më e mirë është që gjithçka të vendoset në fushën e gjelbër.
Në këtë mënyrë klubet kanë mundësi të përgatiten mjaftueshëm deri në fillimin e ndeshjeve.
KE do të ndërmarrë të gjitha masat e nevojshme që ndeshjet të zhvillohen në mënyrën sa më të mirë të mundshme në përputhje me udhëzimet e institucioneve shtetërore.
Komiteti Ekzekutiv i Federatës falënderon Ministrinë Shëndetësisë, Ministrinë e Kulturës Rinisë dhe Sportit si dhe organet e tjera për mirëkuptimin dhe vendimin e drejt në të mirë dhe interes të futbollit.
Ndonëse, në këtë fazë janë lejuar zhvillimi i garave vetëm për Ipko Superligën e Kosovës, KE varësisht prej situatës do të kërkojë që garat të lejohen edhe për rangjet e tjera, por gjithnjë duke mos rrezikuar shëndetin e qytetarëve, e me këtë edhe të futbollistëve.
KE do të jetë në përkrahje të klubeve, duke ditur gjendjen e tyre të vështirë, e sidomos tash në këtë kohë kur edhe përgatitjet e tyre kërkojnë më shumë shpenzime do të shikojë mundësitë që t’u dalë në ndihmë.
Komiteti do t’i ndihmojë klubet për mjete dizenfektuese dhe mjete të tjera të nevojshme.
KE u bën thirrje klubeve që t’u përmbahen me përpikëri udhëzimeve të institucioneve shtetërore dhe të FFK-së, raportojnë mediat kosovare, përcjell Albinfo.ch.
E-Diaspora
-
Sopranoja Elbenita Kajtazi ndan bursa vjetore për studentët shqiptarë të muzikës Sopranoja shqiptare që jeton në Gjermani, Elbenita Kajtazi, gjatë së enjtes ka ndarë bursën e parë...
-
BQK: Mbi 112 milionë euro i sollën mërgimtarët në Kosovë vetëm gjatë marsit
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
Jeta në Zvicër
-
Dështon nisma që donte të ndryshonte Kushtetutën Lansimi i një teksti që synonte reformimin e Kushtetutës Federale është shtyrë. Lëvizja qytetare pas saj...
-
Rritet numri i kopshteve dygjuhëshe në Zvicër
-
Vdekja e ushtarit në Bremgarten cilësohet si vetëvrasje
-
Komisioni bën thirrje për marrëveshje me një vend të tretë për të dëbuar aplikantët e refuzuar nga Eritreja
-
Sa vlen Zvicra për UBS-në?