Kosova
Sveçla në veri: Qytetarët serbë nuk janë palë e dorës së tretë
Sveçla ka njoftuar se gjatë vizitës që pati të shtunën i siguroi qytetarët e veriut se është ministër i të gjithë qytetarëve të Kosovës
Ministri i Punëve të Brendshme, Xhelal Sveçla, ka qëndruar në komunat e veriut të Kosovës, ku ka bashkëbiseduar me qytetarët atje.
Sveçla ka njoftuar se gjatë vizitës që pati të shtunën i siguroi qytetarët e veriut se është ministër i të gjithë qytetarëve të Kosovës dhe se qytetarët serbë nuk janë palë e dorës së tretë.
“Unë jam ministër i të gjithë qytetarëve të Kosovës. Qytetarët serbë nuk janë palë e dorës së tretë. Ata janë banorë, qytetarë të barabartë sikurse të gjitha komunitetet e tjera që jetojnë këtu dhe gëzojnë të njëjtat të drejta. Duke pasur parasysh proceset e përbashkëta që na presin, përgjatë takimeve theksova rëndësinë e bashkëpunimit me institucionet tona, në mënyrë që t’i kalojmë ato më lehtë”, ka shkruar Sveçla në Facebook, përcjell Albinfo.ch.
Sveçla u ka bërë thirrje të gjithëve që të bashkëpunojnë me organet e rendit në mbarëvajtjen dhe ofrimin e sigurisë në vendin tonë.
“Natyrisht, vizitova edhe fshatrat shqiptare në veri, ku për më shumë se dy dekada vërehej qartë mungesa dhe përkrahja e shtetit në këtë pjesë të vendit. Këta bashkëqytetarë janë të vendosur që të qëndrojnë në atë anë, ku me pune e djersë të sigurojnë jetë e prosperitet për ta dhe fëmijët e tyre. Pa asnjë dyshim ne do të jemi me ta dhe për ta”, ka thënë ministri i Punëve të Brendshme.
Ai tha se gjithandej ka takuar pjesëtarë të Policisë së Kosovës dhe si çdo herë, vërehej përkushtim e disiplinë e pashoqe që garanton rend, ligj dhe siguri për të gjithë./Albinfo.ch
E-Diaspora
-
Lea Ypi, “një yll i ri i fiksuar në qiellin filozofik” Gazeta "Die Presse" shkruan mbi librin më të ri të Lea Ypit "Die Architektonik der...
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
-
Interi, kampion, me futbollistin shqiptar Asllani: Nuk mund të kërkoja diçka më mirë
-
Evropë
Washington Post shkruan për zërin e sopranos shqiptare Ana Naqe