Tabaku: Qeveria vendim të ri që grabit pronarët e tokave

"Vendimi është shtojcë e "ligjit famëkeq që po zbatohet në mënyrë abuzive duke injoruar Gjykatën Kushtetuese, që  rrëzoi disa pika të rëndësishme të ligjit një vit më parë"

Një vendim i Këshillit të Ministrave i miratuar këtë javë, për Partinë Demokratike vulos grabitjen e pronës nga pronari i ligjshëm. Deputetja e PD-së, Jorida Tabaku në një konferencë për media ka thënë  se vendimi është shtojcë e “ligjit famëkeq që po zbatohet në mënyrë abuzive duke injoruar Gjykatën Kushtetuese, që  rrëzoi disa pika të rëndësishme të ligjit një vit më parë”.

Ajo sqaroi se vendimi parashikon që ky kompensim financiar, jo më shumë se 10 milionë lekë, do të shpërndahet në 10 vite me një këst prej maksimumi 1 milion lekësh në vit.

“Kompensimi i jo më shume se 20% e vlerës së pronës apo kompensimi me jo më shumë se 1 milionë lekë gjatë 10 vjetëve është përbuzja më e madhe për pronarët që qeveria Rama e bën në dhunim të plotë të së drejtës së patjetërsueshme për pronën”, ka thënë ajo.