Lajme

Task Force, Zvicër: “Ka ndodhur diçka e habitshme dhe e këndshme”

Ackermann: "Gjithmonë në raste të tilla pritet të ndodhë rritje e numrit të infeksioneve. Por te ne ka ndodhur diçka e habitshme dhe e këndshme: pas lehtësimit të masave, numri i rasteve ra"

Lehtësimi i masave në kohën kur numri i rasteve është duke u rritur, gjithmonë do të thotë rrezik, thotë Martin Ackermann, shef i Task Forcës Shkencore Federale.

Intuitivisht gjithmonë në raste të tilla pritet të ndodhë rritje e numrit të infeksioneve. Sidoqoftë, te ne ka ndodhur diçka e habitshme dhe e këndshme: pas lehtësimit të masave, numri i rasteve ra”, shkruan watson.ch.

Ackermann këtë e ka thënë në konferencën e sotme për media, duke ju referuar zhvillimeve aktuale pozitive sa i përket pandemisë në Zvicër, transmeton albinfo.ch.

Është e rëndësishme të kuptohet pse modelimi (i bërë nga Task Forca) nuk është përputhur me realitetin. Task forca do të merret me këtë në mënyrë që të bëjë modelimin më të saktë.

“Rreziku i njerëzve që të infektohen me korona para vaksinimit do të ulet gjithnjë e më shumë me përparimin e fushatës së vaksinimit”, përcjell albinfo.ch. Për këtë arsye, është i mundur lehtësimi i mëtejshëm i kujdesshëm, pa rritur rrezikun për ata që nuk janë vaksinuar ende.

Më në fund, Martin Ackermann i bën thirrje popullatës zvicerane që të vaksinohet.


LAJME INTERESANTE NGA INTERNETI