Lajme
“Asnjëri nga pacientët e kujdesit intensiv nuk është i vaksinuar”
"Shumë nga të sëmurët tani janë dukshëm më të rinj se në valën e dytë dhe të tretë. Dhe, është një gjë që bie në sy: Të gjithë pacientët në njësinë e kujdesit intensiv janë të pa vaksinuar!"
Spitalet zvicerane nuk po qetësohen, përkundrazi: njësitë e kujdesit intensiv po mbushen përsëri me njerëz të infektuar me korona. Disa njësi të tilla janë tashmë të mbushura, për shembull ajo në Spitalin Kantonal të Lucernit, shkruan srf.ch.
Atje, pacientët është dashur të çoheshin në spitale të tjera në mënyrë që të kishte vend për të sëmirët tjerë.
“Përsëri kemi ngarkesë në lidhje me Covid”, thotë Christoph Henzen, shefi mjekësor dhe kreu i ekipit të pandemisë në Spitalin Kantonal të Lucernit, transmeton albinfo.ch. Sipas tij, shumë nga të sëmurët tani janë dukshëm më të rinj se ata në valën e dytë dhe të tretë.
Dhe, është një gjë që bie në sy: “Të gjithë pacientët në njësinë e kujdesit intensiv janë të pa vaksinuar!”.
Në Zvicrën Qendrore, 25 deri në pothuajse 30 për qind e të infektuarve me korona janë në kujdes intensiv. Kjo nuk tingëllon shumë, por është pika që mbush kupën.
Situata duket e ngjashme edhe në Spitalin Kantonal, në St. Gallen. Edhe atje, shumë njerëz të infektuar me Covid përfundojnë në njësinë e kujdesit intensiv, përcjell albinfo.ch. Aktualisht janë rreth 11 persona, thotë Drejtori i Shëndetësisë Bruno Damann: “Por, kjo nuk është ende alarmante. Në rastet maksimale ne kishim 35 në njësinë e kujdesit intensiv”, ka thënë Damann.
Për momentin, rreth 601 njerëz në Zvicër janë duke u trajtuar në spitale për shka se janë të infektuar me koronavirus – 145 prej tyre janë në kujdes intensiv. Kështu ishte gjendja të enjten, në orën 10.45 paradite.
https://www.srf.ch/news/schweiz/volle-intensivstation-covid-patienten-bringen-luzerner-kantonsspital-an-seine-grenzen
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Pagat zvicerane rriten, por “u zbehën” nga inflacioni Ndërsa pagat në Zvicër u rritën vitin e kaluar, përfitimet u anuluan përsëri nga rritja e...
-
Zvicra do të forcojë sigurinë në qendrat e azilit
-
Sa aktivë janë spiunët kinezë në Zvicër?
-
Aeroporti i Bazelit evakuohet për arsye sigurie
-
Gjykata Federale: I moshuari ka të drejtë për ndihma, edhe pse ka shpenzuar paratë e veta