Të majtët e Cyrihut duan hapësira parkimi për biçikleta në parkingjet e makinave

Keystone EPA/FILIP SINGER

Qyteti i Cyrihut do të krijojë 10,000 vende shtesë për parkim të biçikletave të qasshme për publikun brenda dy viteve, teksa kjo do të jetë veçanërisht në kurriz të hapësirave të parkimit të makinave. Ky propozim iu referua këshillit të qytetit nga këshilli local, shkruan Blick, përcjell albinfo.ch.

Çështja u miratua si mocion me 59 vota kundër 49, i cili udhëzon këshillin e qytetit të hartojë një model përkatës.

Këshilltarja përgjegjëse e qytetit Simone Brander u shpreh se në parim, këshilli i qytetit e mirëpret kërkesën, por nuk mund të bëjë magji dhe meqenëse hapësira publike është e kufizuar, nuk është realiste të krijohen 10,000 vende parkimi për biçikleta brenda dy viteve.

Në deklaratën me shkrim, këshilli i qytetit deklaroi gjithashtu se 10,000 raftet e kërkuara për biçikleta “nuk ishin në asnjë proporcion real me 44,000 hapësira publike të parkimit të biçikletave”, ndërsa SVP, FDP, GLP dhe Qendra/EVP gjithashtu u shprehën kundër mocionit.

“Nuk ka të bëjë me biçikletat,” tha Stephan Iten (SVP). “Ka të bëjë thjesht me reduktimin e hapësirave të parkimit të makinave.”

Për Bernhard im Oberdorf (SVP) ishte gjithashtu e qartë: iniciativa ishte një deklaratë lufte kundër makinës.