Të mërkurën vazhdon protesta për shkarkimin e Lumezit

Në mesjavë është organizuar protesta e dytë kundër kryeprokudorit Aleksandër Lumezi.

Të mërkurën, në sheshin “Zahir Pajaziti”, sërish do të protestohet kundër zhvillimeve të fundit në sistemin e drejtësisë.

Përmes kësaj proteste, organizatorët, të cilët i ftojnë të gjithë qytetarët të jenë pjesëmarrës, do të kërkojnë shkarkimin e kryeprokurorit Aleksandër Lumezi si dhe procesin e Vettingut si deh kthimi i dinjitetit të veteranëve përmes pastrimit të listave të tyre nga mashtruesit. Protestën do të fillojë nga ora 18:00. “

Protesta e radhës po organizohet. Ti je ne, sepse ne jemi po ashtu qytetarë, si ti. Prandaj ndjeje protestën si tënden dhe bëhu pjesë e organizimit të saj: fto njerëz, printo e ngjit posterë, bëja share thirrjeve nga faqja #PROTESTOJ në Facebook, merr pjesë në takimet që i organizojmë, se ne dhe ti – jemi Ne”, thuhet në njoftim.

Organizatorët po ashtu bëjnë të ditur se synojnë që protestat e radhës të mbahen njëkohësisht në të gjitha qytetet në sheshet qendrore.