Autotech
Tesla zgjedh Berlinin për fabrikën e parë në Evropë
Ky vendim vjen pasi kompania e veturave elektrike, e cila ka investuar shumë në një fabrikë në Kinë, po përballet me rritje të konkurrencës
Shefi ekzekutiv i kompanisë “Tesla”, Elon Musk, ka thënë se Berlini do të jetë qyteti i parë evropian, ku prodhuesi i veturave elektrike do të ndërtojë fabrikë. Ky vendim është pjesë e planit për zgjerimin e rrjetit të fabrikave në tërë botën.
Përpos fabrikës, Musk tha se kompania e tij do të ndërtojë në kryeqytetin gjerman edhe një qendër për inxhinieri dhe dizajn të veturave. Më parë, Tesla kishte thënë se synon ta fillojë prodhimin e veturave në Evropë në vitin 2021.
Ky vendim vjen pasi kompania e veturave elektrike, e cila ka investuar shumë në një fabrikë në Kinë, po përballet me rritje të konkurrencës në tregun e këtij lloji të veturave për shkak të planeve të prodhuesve të tjerë për rritjen e investimeve në vetura me rrymë.
Shefi i Tesla-s e bëri të ditur këtë lajm gjatë një ceremonie për ndarjen e çmimeve për vetura në Gjermani. “Të gjithë e dinë se inxhinieria gjermane është e jashtëzakonshme dhe kjo është njëra ndër arsyet që ne do ta ndërtojmë fabrikën në këtë vend”, tha ai.
Ai njoftoi se fabrika do të ndërtohet afër aeroportit të ri të Berlinit dhe në të fillimisht do të prodhohen veturat e modelit Y dhe bateritë për vetura.
Vendimi i kësaj kompanie për ndërtimin e fabrikës në Gjermani po vlerësohet edhe si rezultat i rritjes së kërkesës për vetura elektrike në Evropë. Përpos Evropës, Tesla ka investuar mjaft shumë edhe në Azi. Kompania i ka ndarë 2 miliardë dollarë për ndërtimin e fabrikës në Shanghai, shkruan “BBC”, përcjell Albinfo.ch.
E-Diaspora
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman Autorja prezanton në bibliotekën "Pestalozi", në Cyrih romanin e saj të sapobotuar "Die Töchter des...
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
-
Mërgimtari humb jetën në vendin e punës, në Maltë
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
Jeta në Zvicër
-
Ish-presidenti thotë se Zvicra duhet të anëtarësohet në BE Një ish-anëtar i Këshillit Federal thotë se e vetmja mënyrë se si Zvicra do të arrijë...
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën
-
Bazel: Dënohet me burgim të përjetshëm shqiptari për vrasjen e dyfishtë
-
SWISS do të rifillojë fluturimet për në Tel-Aviv të premten