Thaçi i quan spekulime paralajmërimet e ambasadorëve

Thaçi, pa i përmendur emrat e atyre që i kanë bërë këto paralajmërime, i ka quajtur ato spekulime

Presidenti i Kosovës, Hashim Thaçi, përmes një reagimi në Tëitter, i është përgjigjur ambasadorëve të SHBA-së dhe Britanisë, të cilët thanë se nëse shfuqizohet Gjykata Speciale, atëherë rrezikohet e ardhmja e Kosovës.

Thaçi, pa i përmendur emrat e atyre që i kanë bërë këto paralajmërime, i ka quajtur ato spekulime.  Ai ka thënë se midis spekulimeve është e rëndësishme që të gjithë të vazhdojnë të jenë të sigurt për të ardhmen e Kosovës dhe proceset e saj demokratike.

Presidenti ka thënë se shoqëria dhe udhëheqësia e Kosovës mbeten plotësisht të angazhuar për demokraci, sundim të ligjit, pajtim, dialog dhe marrëdhënie në baza të barabarta dhe të drejta.