Futboll

Tifozët me fishekzjarrë kanë ndërprerë ndeshjen e Superligës zvicerane

E diel, 17 Mars 2019 - 9:00 albinfo.ch
(KEYSTONE/Salvatore Di Nolfi)

Një gjest aspak i hijshëm ka ndodhur në ndeshjen e Superligës Zvicerane ndërmjet Sionit dhe Grasshoppersit.

Tifozët mysafirë kanë hedhur fishekzjarrë në fushë, duke bërë që ndeshja të ndërpritet dhe të mos vazhdohet më, përcjell albinfo.ch.

Sioni ishte duke fituar 2:0, ku dy herë ka asistuar Ermir Lenjani, derisa golin e dytë e shënoi Pajtim Kasami, shkruan ‘Blick’.

Edhe pas golit të Kasamit, tifozët mysafirë kanë hedhur fishekzjarrë në fushë. Situatë e ngjashme ka vazhduar edhe në pjesën e dytë.

Gjyqtari ka dërguar lojtarët në zhveshtore, por më pas ka ndërprerë përfundimisht për të mos vazhduar më.

Zyrtarët e skuadrës mysafire kanë dënuar aktin, ashtu si edhe vendësit, duke e përshkruar si një akt jo të hijshëm, përcjell tutje albinfo.ch.

Pajtim Kasami ka fajësuar lojtarët e ish-skuadrës së tij, që duhej të flisnin me tifozët, por ishin të frikësuar, derisa e ka përshkruar si një skenë të trishtueshme për futbollin zviceran dhe kjo ishte e papranueshme.

Grasshoppers ndodhet në vendin e fundit në Superligën zvicerane me vetëm 18 pikë. Ndeshja pritet të regjistrohet 3:0 për Sionin.

 Të ngjashme

Dion Kacuri nënshkruan kontratën me FC Basel-in

 Të tjera nga Futboll

“Duhet të transferojmë Granit Xhakën”

 E-Diaspora

 Jeta në Zvicër