Fun
Aktori Til Schweiger shfryn kundër racistëve dhe ndërton një shtëpi refugjatësh
Unë nuk e kuptoj se si gjermanët dalin në rrugë për të protestuar kundër islamizmit dhe radikalizmit dhe pastaj nuk duan t`i ndihmojnë ata që kanë ikur pikërisht nga radikalizmi islamik”
Aktori i popullarizuar gjerman i filmit, Til Schweiger ka deklaruar në shtypin e të dielës se është duke ndërtuar mbi baza private një shtëpi për strehimin e azilkërkuesve. Ai nuk ka ofruar shumë të dhëna rreth ndërtimit por preokupimin e tij me fatin e refugjatëve e ka dëshmuar edhe më parë, në faqen e tij të facebook-t në të cilën ka 1.3 milion fansa, shkruan “Süddeutsche Zeitung”.
Një vajzë 12 vjeçe e lut heroin e saj nga kinemaja që në faqen e tij të internetit të shpërndajë një apel për ndihmë refugjatëve. E thënë, e bërë.
Në vazhdim tema dramatizohet dhe në faqen e tij të facebook-ut ndizet një debat i shëmtuar racist. Aq i shëmtuar sa që Schweiger detyrohet që pjesëmarrësit më agresivë t`i dëbojë nga faqja e tij, duke ua dhënë edhe porosinë shembullore “zhdukuni nga faqja ime, transmeton albinfo.ch. Ju nuk guxoni ta shfryni urrejtjen dhe marrëzinë tuaj te unë…”.
Pastaj ai në një intervistë që dha për gazetën “Bild am Sonntag” ra në sy me deklarime të forta ndaj atyre që përhapin urrejtje ndaj refugjatëve. “Unë nuk e kuptoj se si gjermanët dalin në rrugë për të protestuar kundër islamizmit dhe radikalizmit dhe pastaj nuk duan t`i ndihmojnë ata që kanë ikur pikërisht nga radikalizmi islamik”.
Schweiger me këtë rast ka deklaruar se së bashku me miqtë do të ndërtojë një shtëpi refugjatësh qe do të jetë shtëpi model, përcjell albinfo.ch mediet gjermane. Këtë do ta bëjë në Osterode am Harz në landin Niedersachsen, në një kazermë të braktisur. Ai ka shtuar se kontrata për këtë ndërtim është punë e kryer.
Krahas kësaj Til Schweiger planifikon edhe ngritjen e një fondacioni për fëmijët e traumatizuar.
E-Diaspora
-
Shkëlqimi shqiptar dhe eleganca e kohëve të shkuara në ekspozitën e Kristian Zefit Në këtë ekspozitë, në Rothrist (Aargau) do të paraqiten instrumenta tradicionale, artefakte etnografike dhe kostume të...
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit
Jeta në Zvicër
-
Rritet vjedhja e biçikletave elektrike në Zvicër Në vitin 2023, kantoni i Basel-Stadt kishte incidencën më të lartë të biçikletave të vjedhura, me...
-
Gjeneva, më e pasur
-
Gjenevë: Vjedhjet e biçikletave – zgjidhen rrallë
-
Zvicër: Projekti kombëtar i testimit të tokës zhvillohet të shtunën dhe të dielën
-
Zvicra nuk do të ketë një ‘Indeks të Lumturisë Kombëtare Bruto’