Tiranë: Aktivistët marshuan për të drejtat e komunitetit LGBTI

Foto ilustrim: CEL (Facebook)

Sot në Tiranë është mbajtur “Parada e Krenarisë”, gjatë së cilës organizatat për të drejtat e komunitetit LGBTI kanë marshuar kundër diskriminimit ndaj këtij komuniteti, shkruan albinfo.ch.

 Pos organizatave dhe aktivistëve nga Shqipëria, në këtë marsh mori pjesë edhe Qendra për Barazi dhe Liri (CEL) si dhe aktivistë nga Kosova. Po ashtu, ata morën pjesë edhe në një panel të organizuar nga Civil Rights Defenders.

“Ishte kënaqësi të jemi pjesë e këtij marshi revolucionar. Aktivistët e Shqipërisë bashkë me përkrahës nga vende të ndryshme në këtë paradë u ngritën në këmbë fuqishëm dhe na frymëzuan të gjithëve. Emocion i veçantë”, kanë shkruar nga CEL.

Pjesëtarët LGBTI dhe anëtarët e këtij komuniteti, me pankarta në duar festuan për dashurinë e marshuan për të drejtat e tyre.

Marshi nisi rreth orës 12:00, e gjatë rrugës, kaloi edhe nga Presidenca e Kryeministria.