Topi i Artë, publikohen 30 kandidatët

screenshot

France Football ka publikuar listën e 30 kandidatëve për fitimin e Topit të Artë, çmimi individual më prestigjioz dhe i rëndësishëm për një futbollist, përcjell albinfo.ch.

Rekordmeni absolut është Lionel Messi. Argjentinasi ka fituar 7 herë Topin e Artë dhe është kandidati kryesor për ta fituar sërish.

Super Sport shkruan se kjo është falë suksesit si protagonist në Kupën e Botës Katar 2022. Rivali i madh i “Pleshtit” është Erling Haaland.

Bomberi norvegjez fitoi tripletën në sezonin e parë me Manchester City. Teksa e mbylli edicionin e kaluar me 52 gola në të gjitha kompeticionet me skuadrën e Pep Guardiolës.

Ceremonia e shpallesh së fituesve do të mbahet më 30 tetor, në “Theatre du Chatelet” të Parisit, kryeqytetin e Francës.

Fituesi në fuqi është Karim Benzema, falë paraqitjeve fantastike me Realin e Madridit. Sulmuesi francez u transferua gjatë verës tek Al-Ittihad në Arabinë Saudite.