Futboll

Torino s’ka vendosur ende për Ujkanin

Samir Ujkanit do t’i skadojë kontrata me Torinon në fund të këtij sezoni

Portieri kosovar ka kontratë me Torinon vetëm deri në fund të sezonit. Nuk dihet ende nëse përfaqësuesi kosovar do të mbetet pjesë e Granatas edhe sezonin e ardhshëm.

Samir Ujkanit do t’i skadojë kontrata me Torinon në fund të këtij sezoni, shkruan Gazeta Express.

Por, ekipi Granata nuk ka vendosur ende nëse do ta vazhdojë apo jo bashkëpunimin me portierin kosovar.

Aktualisht, Ujkani është portieri i tretë në Torino, ku përpara tij janë Salvatore Sirigu e Antonio Rosati.

Presidenti i klubit, Urbano Cairo dhe drejtori sportiv, Massimo Bava, në muajt e ardhshëm do të vendosin nëse do t’ia vazhdojnë apo jo kontratën portierit vushtrrias, por për momentin nuk kanë nisur negociatat.

Ujkani i kishte kaluar sezonet e fundit te Rizespori në Turqi, ku nuk po gjen vend në formacionin bazë, përcjell Albinfo.ch.

E këtë verë u rikthye në futbollin italian, ku e kishte kaluar pjesën më të madhe të karrierës.