Tre shqiptarëve u kapet drogë me vlerë prej disa qindra mijë frangash

Përveç disa kilogramëve drogë që u janë gjetur, për të akuzuarit ka dyshime serioze se kanë tregtuar sasi të mëdha heroine dhe kokaine.

Të martën pasdite, policia e kantonit të Aargau-t, pas hetimeve të gjera, ka ndaluar tre persona që kishin me vete disa kilogramë heroinë dhe kokainë, raporton polizeinews.ch. Ata kishin pasur po ashtu edhe shuma të mëdha parash me vete.

Vlera në treg e mallrave të konfiskuara është disa qindra mijë franga.

Zyra e prokurorit publik kantonal ka autorizuar paraburgimin e tyre, transmeton albinfo.ch. Ajo po fillon procedimin kundër tre shtetasve shqiptarë të moshës 26, 41 dhe 58 vjeç, të cilët po qëndronin si turistë në Zvicër, nën dyshimin për shkelje të kualifikuar të Ligjit për Narkotikët.

Për të akuzuarit ka dyshime serioze se kanë tregtuar sasi të mëdha heroine dhe kokaine.

 

 

 

---