Tri ditë aktivitete për Epopenë e UÇK-së

Nata e Zjarreve si zakonisht do të mbahet në Prekaz, aty ku në vitin 1998 ishte flijuar familja Jashari. Në këtë natë pritet të marrin pjesë mijëra persona nga e gjithë Kosovë, por edhe nga diaspora shqiptare

Për nder të Epopesë së Ushtrisë Çlirimtare të Kosovës, do të ketë tri ditë aktivitete për të nderuar këtë festë.

“Më 5 mars do të ketë një ceremoni në kazermën e Forcave të Sigurisë së Kosovës, më 6 mars do të mbahet një manifestim, ndërsa si gjithmonë, më 7 mars do të jetë Nata e Zjarreve. Do të ketë edhe një turne futbolli dhe shahu me këtë rast”, ka thënë Hajriz Koci, drejtor i Kulturës në komunën e Skenderajt për “Klan Kosova”.

Ai ka shtuar ka thënë se përgatitjet janë në finalizim, megjithëse kanë nisur me vonesë, duke theksuar se pritet fluks i qytetarëve edhe sivjet. “Padyshim që përgatitjet janë bërë, megjithëse kanë filluar pak me vonesë. Shpresojmë që edhe moti të jetë i mirë dhe të na ndihmojë. Si edhe herëve tjera presim shumë pjesëmarrje, pasi njerëzit tanë e respektojnë sakrificën. Njerëzit me kalimin e viteve po e çmojnë më shumë sakrificën dhe vetëdija e të gjithëve po vjen duke u rritur”, ka shtuar ai.

Nata e Zjarreve si zakonisht do të mbahet në Prekaz, aty ku në vitin 1998 ishte flijuar familja Jashari. Në këtë natë pritet të marrin pjesë mijëra persona nga e gjithë Kosovë, por edhe nga diaspora shqiptare.