“UBS”: Gjermania, favorite për të fituar Botërorin në Rusi

"Gjermania dhe Brazili do të kenë detyra të lehta në grupe, përveç Spanjës, e cila gjatë rundit të parë do të luajë me kampionin evropian, Portugalinë"

Gjermania ka shanset më të mëdha për të fituar titullin e Kampionatit Botëror të Futbollit në Rusi. Me këtë konkluzion dolën analistët në bankën zvicerane “UBS”, i cili bazohet në një program që ata përdorin për parashikimet e tyre në lëvizjen e çmimeve në tregjet ekonomike botërore. Shanset për të fituar turneun i ka marrë “Panzer” që ishte 24 për qind, ose 4.2 për qind e Brazilit në vendin e dytë dhe 7.9 për qind për Spanjën në vendin e tretë.

“Gjermania dhe Brazili do të kenë detyra të lehta në grupe, përveç Spanjës, e cila gjatë rundit të parë do të luajë me kampionin evropian, Portugalinë”, shpjegon Michael Bollinger nga “UBS”, bankë e cila ka një nga portofolet më të mëdha në botë.

Në radhën e dytë të favoriteve, sipas analizës bankare, u gjetën Argjentina, Belgjika, Franca dhe Anglia. Programi i “UBS”-së është i bazuar në një model statistikor që përfshinte rezultatet e ekipeve kombëtare të pesë kampionateve të fundit, duke vlerësuar forcën e secilit ekip.

“Fati i Argjentinës në masë të madhe do të varet nga forma e yjeve më të mëdhenj, në opinionin tonë është faktor i paparashikueshëm dhe mezi mbulon metodën sasiore në përdorim”, shton zoti Bollinger.

Parametrat e përdorur në analizë përjashtuan pesë skuadra pa ndonjë shans për të fituar titullin. Këto janë Arabia Saudite, Egjipti, Kosta Rika, Panamaja dhe Tunizia, ndërsa vetëm Panamanë në mesin e të huajve nuk e shohin si finalist në Kupën e Botës 2018.