Lajme
Nisma për eksportin e drithërave ukrainase po funksionon
Ukraina ka eksportuar mbi 1 milion tonë produkte bujqësore përmes detit gjatë muajit të fundit, tha presidenti ukrainas, Volodymyr Zelensky.
“Nisma për eksportin e drithërave po funksionon për pothuajse një muaj dhe gjatë kësaj periudhe, nga tri portet tona detare është eksportuar 1 milion tonë”, tha Zelensky gjatë një adresimi në orët e vona të 26 gushtit, transmeton rel, përcjell Albinfo.ch.
Eksportet e drithërave përmes Detit të Zi u ndërprenë pak pasi Rusia nisi pushtimin e paprovokuar të Ukrainës më 24 shkurt.
Në korrik, Rusia dhe Ukraina arritën një marrëveshje për rinisjen e eksporteve. Marrëveshja u ndërmjetësua nga Kombet e Bashkuara.
Zelensky tha se qëkur ka hyrë në fuqi kjo marrëveshje, 44 anije janë larguar nga portet ukrainase dhe kanë dërguar produkte në 15 shtete të huaja.
“Qëllimi është që të arrihet sasia e eksporteve prej 3 milionë tonësh në muaj”, tha Zelensky.
“Këto eksporte janë shumë të rëndësishme për Afrikën, Azinë dhe Evropën”, shtoi ai.
Më herët gjatë këtij muaji, kreu i programit për ushqim në botë i OKB-së paralajmëroi se edhe pas rinisjes së eksporteve nga Ukraina “ne presim që kriza botërore me ushqim të zgjasë edhe për të paktën një vit”.
Ukraina dhe Rusia janë ndër eksportueset më të mëdha në botë të produkteve bujqësore. Ndalimi i eksporteve të drithërave ukrainase rriti çmimet globale në botë dhe rriti frikën se disa shtete do të përballen me uri.
E-Diaspora
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër” Nën realizimin e Konsullatës së Republikës së Kosovës në Cyrih këtë fundjavë është zhvilluar seminari me...
-
Paraqitet si kroat, me pasaportë false – burgoset muratori nga Kosova
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim
-
Kryediplomati shqiptar, Igli Hasani, takon homologun e tij nga Zvicra, Ignazio Cassis
-
Bizneset nga diaspora vizitojnë “Shtëpinë e Kosovës”
Jeta në Zvicër
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër” Nën realizimin e Konsullatës së Republikës së Kosovës në Cyrih këtë fundjavë është zhvilluar seminari me...
-
Valais: Dy turistë vdesin si pasojë e një orteku, i treti mbijetoi
-
Paraqitet si kroat, me pasaportë false – burgoset muratori nga Kosova
-
Si u bë Zvicra vendi nga ku rrjedh qumështi dhe çokollata
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim