Kriza në Ukrainë
Ukrainë: Të paktën 18 të vdekur nga sulmi me raketa në qendrën tregtare
Numri i të vdekurve është rritur në të paktën 18. Rreth 60 persona janë plagosur, gjysma e tyre rëndë, deklarohet nga Zyra e Prokurorit të Përgjithshëm të Ukrainë
Sipas presidentit ukrainas Volodymyr Zelensky, kur ndodhi sulmi, më shumë se 1000 njerëz ishin në qendrën tregtare në qytetin Kremenchuk, transmeton albinfo.ch. Pas goditjes së raketës, ndërtesa është përfshirë nga flakët dhe është djegur në masë të madhe.
Videot treguan se kanë mbetur në këmbë kryesisht vetëm shtylla betoni dhe konstruksione metalike.
Numri i të vdekurve është rritur në të paktën 18. Kështu shkroi në shërbimin e lajmeve Telegram të martën në mëngjes, guvernatori i rajonit të Poltava, Dmytro Lunin. Rreth 60 persona janë plagosur, gjysma e tyre rëndë, deklarohet nga Zyra e Prokurorit të Përgjithshëm të Ukrainës.
36 persona konsideroheshin ende të zhdukur mëngjesin e së martës.
Rusia është dënuar ashpër nga bota pas sulmit me raketa në qendrën tregtare, raporton dpa.de. Pjesëmarrësit në samitin e G7 në Elmau, Bavari e kanë quajtur krim lufte dhe kanë kërcënuar shefin e Kremlinit Vladimir Putin me pasojat.
“Ky sulm i tmerrshëm tregon edhe një herë nivelin e mizorisë dhe barbarizmit për të cilën lideri rus është i aftë” tha kryeministri britanik Boris Johnson në margjinat e samitit të G7.
Sipas Forcave Ajrore të Ukrainës, në sulm janë përdorur raketa ajër-tokë X-22, përcjell albinfo.ch. Ato janë gjuajtur nga bombardues me rreze të gjatë Tu-22 nga rajoni Kursk i Rusisë, tha ai. (DPO)
Të ngjashme
Të tjera nga Kriza në Ukrainë
E-Diaspora
-
SH.K.A “Dardania” përfaqëson Shqipërinë e Kosovën në Festivalin në Winterthur Të njëjtën ditë me dy paraqitje, njëra në Winterthur e tjetra në Luzern! ...
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit
-
Bëhet publike agjenda e Forumit shqiptaro-zviceran në Gjenevë
Jeta në Zvicër
-
Zvicër: Kostot e sistemit shëndetësor kanë arritur 91.5 miliardë franga Statistikat tregojnë se trajtimet kurative spitalore, trajtimet kurative ambulatore dhe trajtimet afatgjata dhe mbështetëse së bashku...
-
Adoleshenti kosovar, i dyshuar për ISIS, e quan veten “Bombarduesi”
-
Tifozët e Cyrihut shkaktuan 100,000 CHF dëme
-
Bazeli lufton mushkonjat
-
Zvicër: Nis fushata për uljen e primeve të sigurimit shëndetësor