Shqipëria
Ngadalësohet rritja e çmimeve në Shqipëri, inflacioni 7.4 për qind
Konsumi i festave të fundvitit në Shqipëri shoqërohet me rritje jo të zakontë të çmimeve në muajin dhjetor.
Por dhjetorin e kaluar ndryshimi vjetor i çmimeve ishte 7.4 për qind, duke shënuar një zbutje të ritmeve të rritjes për të tretin muaj radhazi nga 8.3 për qind në tetor dhe 7.9 për qind në nëntor, raportoi instituti i statistikave INSTAT.
Ritmet më të ulëta të rritjes lidhen me rënien e konsumin dhe uljen e çmimeve të lëndeve të para, sidomos naftës.
Rritja mesatare vjetore e çmimeve në vitin 2022 është 6.7 për qind nga 2.0 për qind që ishte në vitin 2021.
Krahasuar me muajin dhjetor 2021, rritja më e madhe e çmimeve vërehet në grupin “Ushqime dhe pije joalkoolike” me 14.2 për qind, ndjekur nga grupet “Mobilie, pajisje shtëpie dhe mirëmbajtje e shtëpisë” me 6.5 për qind, “Transporti” me 6.0 për qind, “Pije alkoolike dhe duhan” me 5.5 për qind, “Hotele, kafene dhe restorante” me 5.2 për qind, “Veshje dhe këpucë” me 3.8 për qind, “Mallra dhe shërbime të ndryshme” me 3.3 për qind, “Qira, ujë, lëndë djegëse dhe energji” me 2.8 për qind, “Shërbimi arsimor” me 2.3 për qind, “Komunikimi” dhe “Argëtim dhe kulturë” me 1.3 për qind secili dhe “Shëndeti” me 1.1 për qind.
Brenda grupit të ushqimeve çmimet e nëngrupit “qumësht, djathë dhe vezë” u rritën me 25.4 për qind, pasuar nga nëngrupet “vajra dhe yndyrna” me 21.8 për qind, “peshk” me 15.7 për qind, “bukë dhe drithëra” me 15.3 për qind, “sheqer, reçel, mjaltë, çokollata dhe ëmbëlsira” me 15.0 për qind, “mish” me 13.2 për qind, “zarzavate përfshirë patatet” me 11.8 për qind, etj./tch
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Zvicra do të forcojë sigurinë në qendrat e azilit Qeveria zvicerane i ka dërguar parlamentit propozime për të forcuar sigurinë në qendrat e azilit. Lëvizja...
-
Sa aktivë janë spiunët kinezë në Zvicër?
-
Aeroporti i Bazelit evakuohet për arsye sigurie
-
Gjykata Federale: I moshuari ka të drejtë për ndihma, edhe pse ka shpenzuar paratë e veta
-
Pse 1 maji nuk është festë publike kudo në Zvicër?