Kosova
Urimi i Zvicrës për Pavarësi dhe i ambasadorëve të huaj
“Urime dita e Pavarësisë, Kosovë”, thuhet në urimin e ambasadës zvicerane në Prishtinë
Sot Kosova po feston 11-vjetorin e Pavarësisë së saj. Nuk kanë munguar urimet e shumta.
Për këtë ditë kanë ardhur shumë urime nga shtetet mike të Kosovës, siç ka uruar edhe Zvicra.
“Urime Dita e Pavarësisë, Kosovë”, thuhet në urimin e Ambasadës zvicerane në Prishtinë, përcjell albinfo.ch.
Ambasadori i Britanisë së Madhe në Kosovë, Ruairi O’Connell, ka uruar në shqip shqiptarët me rastin e 11-vjetorit të Pavarësisë së Kosovës.
“Sot, para 11 vjetësh, Kosova ka shpallur pavarësinë në bazë të planit të Ahtisaar-it. Kosova u lind si Republikë shumëkombëshe, demokratike, ku sundon ligji dhe të drejtat e njeriut”, ka thënë O’Connell.
Ambasadori amerikan në Kosovë, Philip S. Kosnett, ka uruar 11-vjetorin e Pavarësisë së Kosovës.
“Kam nderin dhe privilegjin që shërbej si ambasador i SHBA-së gjatë kësaj kohe emocionuese. Jam kthyer në Kosovë pas 15 vjetëve dhe e shoh që populli i Kosovës ka arritur përparim të jashtëzakonshëm në rindërtimin e vendit dhe është përgatitur për sukses në skenën botërore. Gjithmonë mahnitem nga të rinjtë e Kosovës: të rinj të zgjuar, energjikë, kreativë, që kërkojnë mundësi për ta ndërtuar të ardhmen e tyre këtu në Kosovë”, ka thënë Kosnett.
Urimet nuk kanë munguar edhe nga vendet e tjera, derisa ndër të parët ishte kryeministri shqiptar, Edi Rama. “Mirëmëngjesi dhe me urimin për ditëlindjen e shtetit të Kosovës, ju uroj një të diele të bukur të gjithëve”, ka shkruar Rama në rrjetin social Facebook.
Të ngjashme
Të tjera nga Kosova
E-Diaspora
-
BQK: Mbi 112 milionë euro i sollën mërgimtarët në Kosovë vetëm gjatë marsit Pa dyshim se një nga shtyllat kryesore të ekonomisë së Kosovës janë remitencat nga e mbarë...
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
-
Mërgimtari humb jetën në vendin e punës, në Maltë
Jeta në Zvicër
-
Zvicër: Më 2024 priten më shumë zjarre për shkak të ngrohjes globale Parashikimet e Institutit për Studimin e Borës dhe Orteqeve (SLF) tregojnë gjithashtu se periudha me probabilitetin...
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën