Maqedonia
Ushtria e Maqedonisë ndihmon në nxjerrjen e një fëmije 5-vjeçar nga rrënojat
Ekipi i ushtrisë së Maqedonisë së Veriut, i cili po merr pjesë në operacionet e kërkim-shpëtimit nën rrënojat pas tërmetit shkatërrues që goditi Turqinë më 6 shkurt, ndihmoi në nxjerrjen e një fëmije 5-vjeçar nga rrënojat në Kahramanmaraş, transmeton Anadolu.
Shtabi i Përgjithshëm i Ushtrisë së Maqedonisë së Veriut përmes një njoftimi tha se ekipi i ushtrisë, që është i angazhuar në aktivitetet e kërkimit në terren dhe nxjerrjen e të mbijetuarve të mundshëm në qytetin Kahramanmaraş, pasditen e djeshme asistoi në një operacion të suksesshëm për të shpëtuar një jetë të re njerëzore nga rrënojat.
“Ekipi ynë i ushtrisë, pasi mësoi se nën rrënoja dëgjoheshin zëra, pas 6 orësh nga pastrimi i rrënojave, dëgjoi zërin e një fëmije, pas së cilës së bashku me ekipin turk të kërkimit dhe pas katër orësh angazhim maksimal arritën të nxjerrin Sulejmanin 5-vjeçar nga rrënojat”, thuhet në njoftim.
Ndërkohë, dje për në Turqi nga Shkupi u nis edhe një ekip shtesë i ushtrisë, i përbërë nga 36 anëtarë të Batalionit të Forcave Speciale, të trajnuar për shpëtim dhe kërkim në rrënoja, për të marrë pjesë në operacionin humanitar në zonat më të prekura nga tërmetet katastrofike.
Numri i të vdekurve nga tërmetet e forta që goditën Turqinë jugore më 6 shkurt është rritur në 18.342, ndërsa numri i të lënduarve në 74.242.
Të tjera nga Maqedonia
E-Diaspora
-
Vildane Rexhepi, menaxhere prokurimi në IT-në e bankës UBS Ka mbaruar me sukses studimet për ekonomi në disa universitete të njohura dhe tani menaxhon projektet...
-
Shqipëria, pjesë e paradës së karnavaleve në Berlin
-
Prokuroria kërkon 18 vjet burgim për autorin e vrasjes së Shqiponja Isufit
-
Adem Dalipi vendos shallin me shqiponjë në diplomimin e tij në Amerikë
-
Rama takohet me emigrantët shqiptarë në Milano më 26 maj
Jeta në Zvicër
-
Vildane Rexhepi, menaxhere prokurimi në IT-në e bankës UBS Ka mbaruar me sukses studimet për ekonomi në disa universitete të njohura dhe tani menaxhon projektet...
-
Alain Berset kaloi një javë pune të frytshme në Shqipëri
-
A mund të mbulohen së shpejti syzet dhe lentet e kontaktit nga sigurimi shëndetësor zviceran?
-
Po bëhet presion që Eurovizioni të organizohet në Gjenevë
-
Kompania kosovare që mobiloi resorte botërore