Lajme
Vaksina e Pfizer/BioNTech, 100% efektive për grupmoshën 12-15 vjeç
Vaksina e Pfizer dhe BioNTech kundër COVID-19 është 100% efektive te të rinjtë e moshave 12 deri në 15 vjeç. Kështu ishte zbulimi i fundit i prodhuesve të vaksinës, pas fazës së tretë të provave, e cila përfshinte 2,260 fëmijë në Shtetet e Bashkuara.
“Faza e tretë demonstroi 100% efikasitet dhe përgjigje të fortë të antitrupave”, shkruhej në deklaratën e Pfizer/BioNTech të mërkurën.
Ata thonë se shpresojnë ta vaksinojnë këtë grupmoshë përpara vitit të ri shkollor dhe kërkojnë autorizimin e Administratës Amerikane të Ushqimit dhe Barnave dhe atë të Agjencisë Europiane të Barnave (EMA) për përdorim të gjerë të vaksinës tek kjo grupmoshë.
Aktualisht vaksina është miratuar për përdorim emergjent te personat mbi 16 vjeç.
Kompania po vijon ta testojë vaksinën tek fëmijët e moshave 5 deri në 11 vjeç, 2 deri në 5 si edhe tek fëmijët 6 muajsh deri në 2 vjeç.
“Mbrojtja e fortë e vaksinës tek fëmijët është shumë inkurajuese duke marrë parasysh trendin në rritje të infektimeve tek kjo grupmoshë pas përhapjes së variantit britanik”, u shpreh drejtuesi ekzekutiv i BioNTech, Ugur Sahin.
Vaksina e Pfizer/BioNTech, e cila u miratua fillimisht për përdorim në Perëndim, është injektuar në miliona të rritur në më shumë se 65 shtete.
Një studim i kryer në Izrael, ku përfshiheshin 1.2 milionë persona, tregoi se vaksina ishte 94% efektive.
Të tjera nga Lajme
E-Diaspora
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman Autorja prezanton në bibliotekën "Pestalozi", në Cyrih romanin e saj të sapobotuar "Die Töchter des...
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
-
Mërgimtari humb jetën në vendin e punës, në Maltë
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
Jeta në Zvicër
-
Amnesty International kritikon Zvicrën Grupi ndërkombëtar për të drejtat e njeriut, Amnesty International, i cili merret me luftën në Ukrainë...
-
Bazel: Dënohet me burgim të përjetshëm shqiptari për vrasjen e dyfishtë
-
SWISS do të rifillojë fluturimet për në Tel-Aviv të premten
-
Mungesa e banesave në Cyrih dhe qiratë e larta nxisin trendin e ‘sublet’
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër