Shëndetësi
Vaksinat kundër Covidit nuk rritën problemet në zemër
Studimi është aktualisht i vetmi në botë që ka ndjekur popullatën për më shumë se një vit

Vaksinat kundër Covid-19 nuk kanë shkaktuar një rrezik të shtuar të ngjarjeve të padëshiruara si sulmet në zemër, goditjet në tru, arrestet kardiake, miokarditi, perikarditi dhe tromboza të venave të thella, sipas një studimi të botuar në revistën Vaccines, i koordinuar nga Lamberto Manzoli nga Universiteti i Bolonjës.
Studimi ndoqi të gjithë popullsinë e provincës së Peskarës për tetëmbëdhjetë muaj, duke mbledhur të dhëna shëndetësore. Asnjë patologji nuk ishte më e shpeshtë tek të vaksinuarit sesa tek të pavaksinuarit.
Studimi është aktualisht i vetmi në botë që ka ndjekur popullatën për më shumë se një vit, shkruan ATSH, transmeton albinfo.ch.
Studimi i kryer nga Departamenti i Shkencave Mjekësore dhe Kirurgjike të Universitetit të Bolonjës, në bashkëpunim me Universitetin e Ferrarës dhe ASL të Pescara, mblodhi të dhënat shëndetësore të banorëve në provincën Abruzzo dhe analizoi shpeshtësinë e disa sëmundjeve të rënda kardiovaskulare dhe pulmonare, duke marrë parasysh faktorë të shumtë si mosha, gjinia dhe rreziku klinik i pjesëmarrësve.
“Rezultatet që kemi marrë tregojnë qartë se tek të vaksinuarit nuk ka pasur rritje të rrezikut për sëmundje të rënda. Ka pasur raste negative të izoluara, por është konfirmuar profili i sigurisë së vaksinave të përdorura gjatë pandemisë: tani do të jetë e rëndësishme të vazhdohet ndjekja për një periudhë më të gjatë’’, thekson profesor Manzoli.
Analiza konfirmoi gjithashtu se personat e vaksinuar që kanë kontraktuar Covid janë më të mbrojtur nga koronavirusi sesa ata që janë shëruar pa u vaksinuar.
Një incidencë më e lartë e patologjive të konsideruara është shfaqur në vend të atyre që nuk janë infektuar me Covid dhe kanë vetëm një ose dy doza të vaksinës, krahasuar me ata që kanë tre ose më shumë. “Kjo shifër kundërintuitive është për shkak të një paragjykimi epidemiologjik të shkaktuar nga kufizimet e zbatuara gjatë urgjencës: 83.2% e njerëzve të vaksinuar që nuk u kontraktuan me Covid morën të paktën tre doza vaksine’’, shpjegon Manzoli.
Të ngjashme
Të tjera nga Shëndetësi
E-Diaspora
-
Këto janë Personalitetet e Vitit 2023, të zgjedhura nga albinfo.ch Sport: Granit Xhaka, Politikë: Ylfete Fanaj, Islam Alijaj, Biznes: Labinot Haxhaj, Kulturë: Fisnik Maksvel dhe Mjekësi/Shkencë:...
-
Ambasadori Nano, me veshje kombëtare paraqitet para Trupit Diplomatik në Zvicër
-
Detaje të reja rreth vrasjes së 27-vjeçarit shqiptar në Gjermani
-
“The Sun” shkruan se Rita Ora kthehet në Kosovë për një projekt të ri larg muzikës
-
Sot varroset shqiptarja nga Suedia, reagon Pacolli: U vra në mënyrë mizore
Jeta në Zvicër
-
Udhëtimi me tren Gjermani-Zvicër vazhdon të jetë i ndërprerë për shkak të motit Reshjet e dendura të borës së fundjavës kanë ndërprerë qarkullimin hekurudhor në shumë vende në Zvicër....
-
Çmimi i kafesë në Cyrih arrin kulmin
-
Ari shënon nivelin më të lartë që prej pandemisë
-
Strategjia e re në Zvicër për mbrojtje nga COVID
-
Aksidente për shkak të borës në kantonin Zug