Vaksinim i detyrueshëm për punonjësit shtetërorë në Austrinë e Poshtme

Sipas guvernatores së shtetit Johanna Mikl-Leitner, kjo vlen për njerëzit që punojnë në të gjitha fushat, jo vetëm për mësuesit ose punonjësit e kujdesit shëndetësor

Landi (republika) e Austrisë së Poshtme do të prezantojë vaksinimet e detyrueshme për punonjësit e rinj të shtetit federal nga 1 Shtatori, transmeton albinfo.ch.

Sipas guvernatores së shtetit Johanna Mikl-Leitner, kjo vlen për njerëzit që punojnë në të gjitha fushat, jo vetëm për mësuesit ose punonjësit e kujdesit shëndetësor.

“Të gjithë ata që duan të pranohen në shërbimin shtetëror duhet të vaksinohen dhe të angazhohen për të ruajtur këtë mbrojtje nga vaksinimi,” tha ajo, sipas agjencisë austriake të lajmeve APA. Do të ketë përjashtime për ata që nuk mund të vaksinohen për arsye shëndetësore.

---