Lajme
Valis: “Së shpejti nuk do të dimë më çfarë të bëjmë me të vdekurit”
Vala e dytë e koronavirusit ka goditur shumë kantonin e Valisit. Sipërmarrësit e varrimeve kanë arritur në fund të kapaciteteve të tyre
Në gjashtë javët e kaluara në kantonin e Valisit kishte më shumë vdekje se sa në gjashtë muajt e mëparshëm, transmeton albinfo.ch mediat nga ky kanton. Vetëm gjatë javës së kaluar, 59 njerëz në këtë kanton kanë vdekur si pasojë e koronavirusit. Kjo i sjell sipërmarrjet e varrimeve në kufijtë e kapaciteteve të tyre.
“Ne jemi në kufi”, thotë ndërmarrësi Eric Pagliotti për “Le Dimanche Matin”. Ndodh që funeralet të shtyhen. “Së shpejti nuk do të dimë më çfarë të bëjmë me të vdekurit”.
Patrick Quarroz, kryetar i Shoqatës së Shërbimeve Funerale të Valisit, e konfirmon këtë: “Jemi plotësisht të mbingarkuar”.
Çfarë e bën situatën edhe më të vështirë për familjet e të vdekurve është se me masat e reja në këtë kanton lejohen vetëm 30 persona të marrin pjesë në varrim, përcjell albinfo.ch. Në shumicën e kantoneve të tjera lejohen 50 veta.
Megjithatë, ka një lehtësim: Për ndryshim nga vala e parë, të afërmit tani lejohen t’ia thonë lamtumirën të ndjerit në arkivolin e hapur. Në fillim të pandemisë, kjo nuk ishte e mundur – trupat duhej të ruheshin në qese speciale. Por, tani dihet që virusi nuk mund të jetojë në një trup të vdekur për më shumë se pesë deri në nëntë orë, transmeton albinfo.ch. “Përkundër kësaj, ne ende i këshillojmë familjet të mos e puthin të ndjerin”, thotë Boris Pagliotti, djali i Eric Pagliotti.
Të ngjashme
Të tjera nga Lajme
E-Diaspora
-
BQK: Mbi 112 milionë euro i sollën mërgimtarët në Kosovë vetëm gjatë marsit Pa dyshim se një nga shtyllat kryesore të ekonomisë së Kosovës janë remitencat nga e mbarë...
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
Jeta në Zvicër
-
Zvicër: Më 2024 priten më shumë zjarre për shkak të ngrohjes globale Parashikimet e Institutit për Studimin e Borës dhe Orteqeve (SLF) tregojnë gjithashtu se periudha me probabilitetin...
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën