Muzikë
Valle e këngë tradicionale shqipe në koncertin artistik në Gjenevë
![](https://www.albinfo.ch/wp-content/uploads/2023/03/337802564_1424187588324664_3519232813994610730_n-587x391.jpg)
Në mbrëmjen e datës 29 mars në qytetin e Gjenevës, në sallën e “Theatre de la Madeleine” u mbajt koncerti artistik i këngës dhe valles tradicionale shqipe, i organizuar nga shoqata e komunitetit shqiptar në Gjenevë.
![](https://www.albinfo.ch/wp-content/uploads/2023/03/337701194_612376707028934_6985931421940746917_n.jpg)
Fryma e kulturës atdhetare u vu në pah fillimisht përmes atmosferës që ishte krijuar qysh në hyrje të teatrit, ku mbizotëronin veshjet kombëtare si dhe simbolet e tjera, si; flamujt kuq e zi, plisat e shamikuqet.
![](https://www.albinfo.ch/wp-content/uploads/2023/03/337629149_195391899899545_4817299941543865634_n.jpg)
Ndërsa koncerti u hap nga nikoqiri i mbrëmjes, grupi “Hareja”, grup ky që prej disa viteve ruan traditën shqiptare në diasporë përmes muzikës e vallëzimit, brenda “ombrellës” së shoqatës shqiptare.
![](https://www.albinfo.ch/wp-content/uploads/2023/03/337530669_203178449015013_771927192358459240_n.jpg)
Arsyeja e këtij organizimi nuk qe një festë kombëtare, por një performancë e vecantë nga grupi i folklorit “Bilbili” nga Vlora, të cilët i ofruan publikut një koncert të pasur me këngë të përmbledhura e të zgjedhura, kështu duke i dhënë sallës jehonë shqipe me vargjet e kënduara bukur përmes zërave të gërshetuar në mënyrë polifonike, raporton albinfo.ch.
![](https://www.albinfo.ch/wp-content/uploads/2023/03/338144702_257233689973358_8025065573596857315_n.jpg)
Grupi “Bilbili” është një nga grupet më të njohura në fushën e muzikës tradicionale në Shqipëri dhe njihet për cilësinë e lartë të performancave të tyre e po ashtu për fitoren e shumë çmimeve ndërkombëtare, duke nënvizuar “çmimi i parë i folklorit” në Moldavi si dhe “grupi më i mirë” në Lituani.
![](https://www.albinfo.ch/wp-content/uploads/2023/03/337720426_909996733574660_5145978848778258280_n.jpg)
Programi i prezentuar nga Afërdita Krasniqi dhe Blerim Bunjaku, zgjati përrreth dy orë, me gjithësej 20 këngë të interpretuara nga bilbilat e Vlorës. Muharrem Ramaj, Valbona Nora, Tajre Bozhani, Defrim Mustafaraj, Adriatik Cenko, Florika Kotska ishin zërat që pushtuan skënën në polifoni, e gjithashtu me tingujt e fyellit të M.Ramaj, këngëtarës Ludmilla Baballëku dhe rapsodit Viktor Paloka, të cilët kënduan disa nga këngët më të pëlqyera patriotike.
![](https://www.albinfo.ch/wp-content/uploads/2023/03/337665851_969284467571748_5047949759089459670_n.jpg)
Ata kishin përgatitur posacërisht këngën “Në Gjenevë të Helvetisë, bilbilat e Labërisë” si shenjë mirënjohje dhe falënderimi për prezencën e tyre në Zvicër, para mërgatës shqipfolëse.
Para publikut për një fjalim rasti doli kryetari i grupit Lab, i cili u shpreh se kjo paraqitje ishte ndër më të veçantat nga të gjitha koncertet e tjera.
![](https://www.albinfo.ch/wp-content/uploads/2023/03/337747748_178692754975724_9054472730614088808_n.jpg)
“Kemi fituar shumë çmime ndërkombetare, kemi qenë në shumë vende të botës, po asnjë nuk ka qenë më emocionues dhe i dëshiruar se ky sonte”, deklaroi Gjokolli.
![](https://www.albinfo.ch/wp-content/uploads/2023/03/337739544_161741916806825_1691395970834584743_n.jpg)
Ëmbëlsia e këtij koncerti ishin edhe djemt e vajzat e reja të ansamblit “Gëzuar”, të cilët me një skenografi të realizuar bukur, vallëzuan para publikut i cili i mirëpriti dhe përcolli me duartrokitje.
![](https://www.albinfo.ch/wp-content/uploads/2023/03/338182488_184822457677241_5890036911890227770_n.jpg)
Gjatë këtij koncerti, salla ishte e mbushur plot dashamirës së kulturës shqipe, të cilët me mallëngjim e shijonin cdo këngë e performancë.
E-Diaspora
-
Mërgimtarët janë duke pritur deri në 2 orë në pikën Dheu i Bardhë Fluks i mërgimtarëve drejt Kosovës ...
-
Mërgimtarja e denoncon burrin për dhunë, e sulmoi pasi vendosi të shkojë në pushime me fëmijë
-
Besmir Hoxha, profesionist në fushën e energjisë në SHBA
-
Vazhdojnë ardhjet e mërgimtarëve, pritje në Merdar
-
Pritje të gjata në disa pikëkalime kufitare Kosovë-Serbi
Jeta në Zvicër
-
Zvicra nis një fushatë ndërgjegjësimi për përdorimin e dronëve Në Zvicër, dhjetëra mijëra njerëz zotërojnë drone. Por përdorimi i këtyre pajisjeve të drejtuara kërkon të...
-
Pse dështuan iniciativat për uljen e kostove shëndetësore në Zvicër?
-
Rrezik zjarri në pyje në kantonin e Valais-it
-
7 kilometra kolona përpara Gotthard-it
-
Roche – kompania më e vlefshme zvicerane, mposht Nestlé-n