Valon Behrami rrahet me Johan Djourou

Ngritën nervat te klubi futbollistik gjerman “SV Hamburg”. Dy lojtarët e kësaj skuadre Valon Behrami dhe Johan Djourou pas një fjalosje kanë përdorur edhe grushtat

Ekipit futbolistik të bundesligës gjermane” SV Hamburg” nuk po i ecën kurrsesi mirë. Përpos rezultateve të dobëta, në këtë skuadër ka filluar edhe grindja mes lojtarëve. Në takimin e fundit që “SV Hamburg” e humbi në shtëpi kundër “Wolsburg”ut me rezultat 0-2 pati një përleshje mes dy lojtarëve Valon Behrammit dhe Johan Djouruo.

Sipas mediave gjermane thuhet se të dy përfaqësuesit zviceranë gjatë pauzës së pjesës së parë në kabinat e pushimit, pas një fjalosje,  edhe janë grushtuar me njëri-tjetrin.

Drejtuesit e klubit të “SV Hamburg” e kanë konfirmuar këtë incident që ka ndodhur brenda skuadrës ndërsa ata kanë theksuar se të dy lojtarët do të përballën me denimë të renda disiplinore, transmeton albinfo.ch.

Ekipi i Hamburgut është duke luftuar për mbijetesë dhe aktualisht qëndron në pozitën e para fundit të bundesligës gjermane.