Lajme

Valton Halimi, kandidat për asamblist në komunën e Gleisdorit në Austri

Të dielën, me 28 qershor do të mbahen zgjedhjet komunale në Landin e Steiermark. Në këto zgjedhje, në komunën e Gleisdorf në garë është edhe shqiptari Valton Halimi.

Që nga viti 1998, mitrovicasi jeton në Austri ndërsa është pronar edhe i një kompanie të ndërtimtarisë.

Valtoni është anëtarë i Europarefernt për qarkun e Weiz, i cili përfshihet nga 31 komuna, ndërsa 27 prej tyre udhëhiqen nga partia e ÖVP-së.

Po ashtu, në Landin e Steiermark, Valton Halimi  njihet si një aktivist dhe organizator i shumë aktiviteteve shqiptare.

 

Kancelari Kurz dhe Valton Halimi

Në këtë garë për asamblist, ai garon për të dytën herë në listën e partisë ÖVP.

“Kësaj herë besoj shumë se do të arrij të jam pjesë e këshillit komunal. Jam i bindur se edhe komuniteti shqiptarë do të jetë më i organizuar në komunën tonë dhe do të më votojnë”, thotë ai për Albinfo Austria.

Me votën tuaj për Valtonin ju do të keni mundësi më të lehta për integrim dhe aktivitete kulturore. “Votuesve të mi ju premtoj mbështetje në gjitha nevojat e tyre për integrim sa më të mirë dhe për aktivitete kulturore”, premton ai.

Valtoni thotë se duke votuar atë, ju do të votoni shqip. “Voto shqip, është edhe motoja ime për komunitetin tonë”, shkruan Albinfo Austria.

 

Në mars të vitit 2019, Halimi është zgjedhur kryetar i Këshillit Koordinues të Shoqatave Shqiptare në Steiermark.