Shqipëria

Vasili paralajmëron aksion opozitar “zero tolerancë ndaj kriminalitetit”

LSI nis sesionin politik me moton kundër kriminalitetit.

Lëvizja Socialiste për Integrim përmes kreut të grupit Petrit Vasili ka shpallur moton për këtë sesion të ri politik: “Tolerancë zero ndaj hajdutërisë dhe kriminalitetit shtetëror që ka uzurpuar vendin”.

Vasli tha se duhet luftë e pa kompromis me çdo mjet demokratik, politikë dhe qytetarëve për të ndaluar  siç tha ai, “këtë hordhi që po e shkatërron vendin në mënyrë të pakthyeshme”.

Vasili shtoi se Shqipëria po përballet me një situatë kriminaliteti ndër më të rëndat në vend.

“Sot Shqipëri përballet me një situatë të krimit në vend nga më të rëndat. Shkodra po përballet në mënyrë të përditshme me krime të njëpasnjëshme, njëri më i rëndë se tjetri. Krime që kanë nxjerrë në pah një shtet që e ka të pamundur të veprojë, i ka duart e lidhura sepse ka qenë përdorues dhe ka qenë njësh me kriminelët në të gjithë situatat e qeverisjes apo në zgjedhje”, ka thënë ai.