Lajme
Vazhdon kriza e migracionit në Itali
Në Lampeduza, presidentja e KE, Ursula von der Leyen, premtoi shumë për të lehtësuar ishullin e mbingarkuar me mijëra migrantë. Por, ajo varet nga vendet anëtare të BE-së, e shumë refuzojnë të pranojnë refugjatë nga Italia, shkruan Deutsche Welle.
Në Lampeduza, presidentja e Komisionit Europian, gjermanja Ursula von der Leyen, premtoi një plan 10-pikësh për lehtësimin e krizës: ndihma të shpejta nga Brukseli, masa kundër krizës humanitare në ishullin, ku çdo ditë vijnë disa qindra refugjatë, ose edhe mijëra. Por kryesisht mesazhi i saj ishte se BE nuk e lë vetëm Italinë. “Kjo ka rëndësi për mua, sepse migracioni i parregullt është një sfidë për Europën dhe prandaj ka nevojë për një përgjigje europiane”, tha Von der Leyen.
Por, si duket kjo përgjigje nuk dihet. Plani 10-pikësh nuk përmban shumë pika të reja, dhe ajo që është e re nuk mund të vendoset vetëm nga presidentja e KE-së. Ursula von der Leyen është e varur nga shtetet anëtare. Për shembull, propozimi që refugjatët të shpërndahen nga Lampeduza në vende të tjera të BE-së. “Ne do të mbështesim më fort shpërndarjen e refugjatëve dhe kërkojmë nga vendet anëtare të praktikojnë mekanizmin vullnetar të solidaritetit e të pranojnë refugjatë nga Italia”, kërkoi von der Leyen.
Të forcohen kontrollet e Frontex
Por realisht nuk duken mirë punët me mekanizmin e solidaritetit. Edhe Gjermania e ndali këtë program përkohësisht dhe nuk merr më refugjatë nga Italia. Arsyeja: Qeveria e Romës refuzon të mbajë premtimin e saj, të marrë mbrapsht ata azilkërkues që kanë hyrë ilegalisht nga Italia në Gjermani. Më shumë se 12.400 raste të tilla ka pasur vitin e kaluar. Vetëm 10 raste pranoi Italia.
Ministrja e Brendshme e Gjermanisë, Nancy Faeser, përpiqet të gjejë një zgjidhje të përbashkët me homologët nga Franca dhe Spanja. Për mediat gjermane, ajo tha se po përpiqemi për të një aksion të përbashkët për të ndihmuar nga ana humanitare Italinë dhe të kontrollojnë më mirë migracionin. “Në këtë kuptim është gjëja e duhur që të së bashku me këto vende të kërkojmë zgjidhje”.
Konkretisht von der Leyen premtoi zgjerimin e misionit të marinës. Agjencia Europiane e Mbrojtjes së Kufijve, Frontex, do të duhej të mbikëqyrë më fort se deri tani kufijtë e jashtëm të BE, një ide që mbështetet edhe nga Gjermania. Ministrja gjermane e Punëve të Brendshme, Faeser, tha se “ne nuk do të mund të kemi rrugë tjetër. Ndryshe nuk do ta vemë dot nën kontroll gjendjen e migracionit”.
E-Diaspora
-
“Festivali i këngës dhe valles shqiptare”, një festë për shqiptarët në Nju Jork Ky ishte edicioni i 32 me radhë, i organizuar nga Qendra Kulturore “Nënë Tereza”, pranë Kishës...
-
Shqipëria njofton për pajisje me dokumente elektronike për shtetasit që jetojnë jashtë vendit
-
Edi Rama sot mban takim me shqiptarët e Amerikës në Nju-Jork
-
Nga Vjena në Shqipëri, ekstradohet një shtetas shqiptar
-
Në Gjermani janë regjistruar më shumë se 200 mijë qytetarë nga Kosova
Jeta në Zvicër
-
Qeveria zvicerane përballet me kritika për përfshirjen e mediave elektronike në ligjin për radio-TV Ndryshimet në Aktin Federal të Radios dhe Televizionit të Zvicrës (RTVA) janë pritur mirë në një...
-
Zvicra anëtarësohet në sistemin e mbrojtjes ajrore të Evropës
-
Studimi tregon se pagat e CEO-ve në Zvicër u rritën me 5% në vitin 2023
-
Ushtria zvicerane, pa softuer të logjistikës së luftës deri në vitin 2035
-
Kamerat e trupit për gjyqtarët e futbollit po bëhen temë në Zvicër