Lajme
Veç restoranteve, ky kanton mbyll edhe shitoret
"Mbylljet vetëm në sektorin e hotelierisë nuk janë të mjaftueshme për të sjellë një ulje të dukshme të numrit të infeksioneve ose vlerës riprodhuese mbi mesataren krahasuar me kantonet e tjera"
Kantoni i Aargaut shkon të paktën një hap më larg se Këshilli Federal kur bëhet fjalë për masat e frenimit të koronës. Nga e hëna e tutje, në Aargau mund të blihen vetëm ushqime, shkruan srf.ch.
“Rritja e vazhdueshme e numrit të infeksioneve dhe kërcënimi i mbingarkesës së sistemit shëndetësor kërkojnë veprim të menjëhershëm” është deklaruar në një njoftim mediatik nga qeveria e kantonit.
“Për shembull, në Aargau, ndër të tjera, do të mbyllen shitoret, tregjet dhe dyqanet erotike ndërsa takimet në hapësiratpublike do të kufizohen në 5 persona” vazhdon njoftimi për shtyp, transmeton albinfo.ch. Përjashtime bëjnë dyqanet ushqimore, barnatoret, pikat e shitjes së ofruesve të telekomunikacionit, dyqanet e riparimit, dyqanet e luleve dhe ofruesit e shërbimeve si floktoret dhe ordinancat e fizioterapisë.
Shkollat e mesme dhe shkollat profesionale fillojnë me një javë mësimi në distancë pas pushimit të Krishtlindjes, përcjell albinfo.ch. Ndërsa shkollat fillore rifillojnë funksionimin e rregullt.
Pse kantoni Aargau shkon më larg se qeveria federale?
“Përvoja nga kantone të tjera tregon se mbylljet vetëm në sektorin e hotelierisë nuk janë të mjaftueshme për të sjellë një ulje të dukshme të numrit të infeksioneve ose vlerës riprodhuese mbi mesataren krahasuar me kantonet e tjera”, thonë në qeverinë e kantonit.
Incidenca në kantonin Aargau është 395 dhe është mbi mesataren e Zvicrës.
Masat hyjnë në fuqi të dielën, 20 Dhjetor dhe zbatohen deri më 22 Janar 2021. Edhe këtu , Aargau është para federatës: masat e të cilës hyjnë në fuqi më 22 dhjetor, pra dy ditë më vonë
Të ngjashme
Të tjera nga Lajme
E-Diaspora
-
Blick: Shaqiri dëshmon sërish pse Zvicra nuk mundet pa të Gazeta zvicerane shkruan se nëse ka pasur dyshime që Përfaqësuesja e Zvicrës në futboll nuk bën...
-
BQK: Dërgesat e mërgatës deri në fund të muajit shkurt 2024 arritën në mbi 174 milionë euro
-
52-vjeçari nga Kosova gjen vdekjen në vendin e tij në punës në Itali
-
Shkolla shqipe në SHBA, me qindra nxënës shqiptarë
-
Mbahet takimi i Kolegjit të kirurgëve të Kësovës me kirurgët nga mërgata
Jeta në Zvicër
-
Blick: Shaqiri dëshmon sërish pse Zvicra nuk mundet pa të Gazeta zvicerane shkruan se nëse ka pasur dyshime që Përfaqësuesja e Zvicrës në futboll nuk bën...
-
Për herë të parë, EPFL-në do ta drejtojë një grua
-
Qytetarët e Lihtenshtajnit dhe Zvicrës kanë pagën më të lartë
-
Ja si duken fanellat e reja të Zvicrës në Kampionatin Evropian
-
Ndërprerje e transportit publik në Gjenevë