Integrimi
Vëllezërit Avdylaj, me mistri dhe me dorëza boksi
Dy vëllezërit, Hekuran dhe Dardan Avdyli janë të njohur për sukseset e tyre sportive në Austri. Por përveç boksit, ata së bashku më babain e tyre punojnë në firmën prestigjioze austriake të ndërtimtarisë “Porr grup”. Portali austriak “Oesterreich.at” ka vizituar familjen Avdyli për t`u njohur më për së afërmi më ta, përcjell “albinfo.ch”
Babai i dy djemve, Enveri punon në këtë firmë që prej më shumë se 20 vitesh. “Që nga viti 1993 punoj si murator në firmën e Porr-it. Puna e mirë që kam bërë në këtë firmë është bartur edhe të djemtë e mi”, ka thënë ai. Në lidhje me këtë, djali Dardani ka shtuar: “E vërtetë, babai ynë ishte model për ta ndjekur. Së pari Hekurani dhe pas dy vitesh edhe unë”, ka thënë ai duke treguar edhe për shkollimin e tij dhe të Hekuranit.
Më pas ata kanë folur edhe për jetën sportive të tyre në kickboks. “Ne zgjohemi në orën 5.30 të mëngjesit dhe shkojmë për në punishte (Baustelle). Pas punës pastaj është programi ynë i ushtrimeve në kickboks”, shprehet Dardani. Ndërsa babai Enveri shton: “Të dy djemtë janë shumë të disiplinuar, në shkollimin e tyre dhe në sport. Ata ushtrojnë gjashtë herë në javë. Vetëm ditën e diel e kanë pushim”, njofton “albinfo.ch”
“Vetëm kështu mund të sjellim diçka. Prandaj Hekurani është kampion i Evropës”, potencon Dardani. Por edhe Hekurani flet për vëllain e tij: “E Dardani, është nënkampion i botës për të rinj”.
Hekurani ka thënë se nuk është një punë e lehtë të arrihet suksesi, por ata i janë mirënjohës edhe firmës ku punojnë e cila gjithmonë e ka marrë parasysh kur ndeshjet e tyre janë zhvilluar jashtë Austrisë.
Të ngjashme
Të tjera nga Integrimi
E-Diaspora
-
Detaje nga rasti kur një shtetas nga Kosova vrau pronarin e biznesit në Dyseldorf Një vrasje me armë zjarri është regjistruar dje në qytetin e Dyseldorfit në Gjermani. Mësohet se...
-
Arnold “The Cobra” Gjergjaj triumfon në luftën e fundit
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
Jeta në Zvicër
-
Çfarë do të votohet në Cyrih më 9 qershor? Më 9 qershor, banorët e Cyrihut do të votojnë për të ardhmen e qytetit në fushën...
-
Rriten rastet e abuzimit psikologjik të fëmijëve në Zvicër
-
Zvicër: Priten qira akoma më të shtrenjta gjatë vitit të ardhshëm
-
Numri i të burgosurve zviceranë rritet për 7% në një vit
-
Deputetët e Gjenevës shprehen kundër dhënies së të drejtave të plota politike për të huajt