Lajme

Vetëm 5 % të kompanive të mëdha botërore drejtohen nga gratë 

Ndërsa në Zvicër vetëm një nga 50 kompanitë më të mëdha drejtohet nga një grua

Shikuar nga një perspektivë ndërkombëtare, vetëm 1 në 20 kompani të mëdha botërore udhëhiqen nga gratë. Ndërkaq në Zvicër gjendja në këtë aspekt është edhe më e keqe, shkruan srf.ch. Këtu, vetëm një nga 50 kompanitë më të mëdha drejtohet nga një grua.

Këtë rezultat e ka treguar një hulumtim i realizuar në 16 vende, nga ofruesi i shërbimeve të personelit “Heidrick Struggles”, transmeton albinfo.ch. Përfaqësimi i grave është më i lartë në Norvegji me 16 për qind, ndërsa më i ulëti në Kinë, Zvicër dhe Gjermani.

Ndërkohë, çdo kompani e dytë më e madhe në Zvicër menaxhohet nga një shef me shtetësi të huaj, përcjell albinfo.ch. Përqindja nuk është më e lartë në asnjë nga 16 vendet e marra në shqyrtim.