Mbledhje e krizës në Romë, merr pjesë edhe ministri i brendshëm i Zvicrës

Në takim morën pjesë ministrat e brendshëm nga Zvicra, Gjermania, Franca, Austri dhe Kroacia. Mbyllja e kufijve "do të ishte një gabim dhe akt joproporcional"

Megjithë përhapjen e gjerë të koronavirusit në Itali, kufijtë me vendet fqinje do të mbeten të hapura për momentin. Kjo u bë e ditur nga Ministri i Brendshëm italian Roberto Speranza të martën pas një takimi krize në Romë, shkruan srf.ch.

Në takim kanë marrë pjesë homologët e tij nga Zvicra, Gjermania, Franca, Austri dhe Kroacia, transmeton albinfo.ch. Mbyllja e kufijve “do të ishte një gabim dhe akt joproporcional”, ka thënë Speranza.

Italia aktualisht është duke luftuar burimin më të madh të infeksionit në Evropë. Deri të martën, ishin regjistruar më shumë se 280 infeksione me virusin e rigonit korona, dhe dhjetë njerëz të infektuar tashmë kishin vdekur.

Mbledhja e krizës është thirrur në Romë për shkak të këtij zhvillimi alarmant. Në mbledhje ka marrë pjesë edhe Ministri i Brendshëm Zviceran, Alain Berset, përcjell albinfo.ch. Përfundimi që doli pas takimit ishte që rasti i koronavirusit tregon sesi detyra të caktuara duhet të zgjidhen së bashku.

---