Vizitë zyrtare gjermane te trupat e KFOR-it në Kosovë

Sekretari i Shtetit i Ministrisë gjermane të Mbrojtjes, Dr. Jan Stöß, ka vizituar trupat gjermane të KFOR-it të dislokuara në Kosovë

Gjatë vizitës, Dr. Stöß u prit dhe u informua fillimisht nga i Ngarkuari me Punë i Gjermanisë në Kosovë, Christian Böttcher. Më pas, ai vizitoi Kampin “Film City”, ku u prit nga koloneli Müller, komandant i kontingjentit gjerman.

Sekretari i Shtetit shprehu mirënjohjen e tij për përkushtimin dhe profesionalizmin e grave dhe burrave që shërbejnë në kuadër të misionit të KFOR-it. Ai u njoh gjithashtu nga afër me aktivitetet e tyre të përditshme dhe sfidat me të cilat përballen në terren.

Gjermania ritheksoi përkushtimin e saj për të vazhduar mbështetjen ndaj stabilitetit dhe paqes në rajon.

---