Vonohet vjelja e rrushit në Austri

Austria është e njohur për ofertën e saj të verës, veçanërisht verërat e bardha Riesling, Grüner Veltliner dhe Chardonnay. Por, këtë vit vjelja e rrushit të  verës në Austri fillon më vonë për shkak të motit, përcjell albinfo.at.

Vjelja do të fillojë në tetë rajonet e verës të Austrisë së Ulët javët e ardhshme. Zakonisht ajo fillon në mes të gushtit – por thatësira këtë vit e shtyu atë deri në mes të shtatorit, thanë ekspertët.

“Viti filloi me një dimër jashtëzakonisht të thatë”, tha Christian Eitler, konsulent në vreshtarinë organike në Dhomën e Bujqësisë Austriake të Ulët.

“Pastaj në prill dhe maj ka pasur një fazë më të ftohtë gjatë lulëzimit. Kjo bën që vjelja të shtyhet disi”.

Sipas ekspertëve, moti ka qenë perfekt kohët e fundit për rrushin. “Temperaturat e ngrohta gjatë ditës dhe netët e ftohta në javët e fundit kanë krijuar kushte perfekte për maturim”, tha Eitler.

 

---