Lajme
Vjenë: Sot Presidentja Osmani takohet me kancelarin Kurz
Ditën e dytë të vizitës, ndër takime të shumta me zyrtarë austriakë, më i rëndësishmi i Presidentes Osmani është me kancelarin austriak, Sebastian Kurz
Presidentja e Republikës së Kosovës, Vjosa Osmani-Sadriu, gjatë vizitës zyrtare në Austri është pritur me nderime shtetërore. Gjatë ditës së martë, takimin e parë në Vjenë Presidentja Osmani e ka realizuar me Presidentin austriak, Alexander Van der Bellen, shkruan albinfo.at.
Pas takimit, të dy bashkëbiseduesit kanë përmendur marrëdhëniet miqësore ndërmjet shteteve dhe njëherësh kanë shprehur gatishmërinë për avancimin e tyre. Me këtë rast, Presidentja Osmani falënderoi përzemërsisht Presidentin Van der Bellen për mbështetjen e Austrisë për Kosovën që nga njohja e pavarësisë e deri në ballafaqimin me pandeminë.
Në anën tjetër, edhe Presidenti Van der Bellen ka theksuar se Austria ka qenë dhe do të jetë një shtet mik dhe në mbështetje të Kosovës.
Pas këtij takimi, Presidentja Osmani ka vazhduar agjendën e saj me takime të tjera me zyrtarë austriakë. Zonja Osmani ka pasur një takim me Shoqatën e Miqësisë Austri – Kosovë dhe kryetarin e saj, eurodeputetin Lukas Mandl. Po ashtu kreu i shtetit të Kosovës ka mbajtur edhe një ligjëratë në Akademinë Diplomatike të Vjenës.
Ndërkohë në ditën e dytë të vizitës, ndër takime të shumta, më i rëndësishmi i zonjës Osmani është me kancelarin austriak, Sebastian Kurz. Sipas ots.at, takimi mes Presidentes Osmani dhe kancelarit austriak, Sebastian Kurz, do të mbahet të mërkurën, në orën 16:00, në zyrët e kancelarisë austriake, transmeton albinfo.at.
Më pas, në orën 18:00 Presidentja Osmani do të këtë edhe një takim me një grup bashkatdhetarësh, ku më këtë rast do të përmbyllë edhe vizitën dyditore në shtetin austriak.
E-Diaspora
-
Iu gjet drogë në shtëpi, arrestohet shqiptari në këtë shtet Raportohet se një 48-vjeçar shqiptar është arrestuar nga policia italiane për drogë, përcjell albinfo.ch. Sipas mediave...
-
Pesë Asamblistë të Cyrihut kërkojnë nga komuna t`i dhurojë Prishtinës kamionë për mbledhje e mbeturinave
-
Blick: Shaqiri dëshmon sërish pse Zvicra nuk mundet pa të
-
BQK: Dërgesat e mërgatës deri në fund të muajit shkurt 2024 arritën në mbi 174 milionë euro
-
52-vjeçari nga Kosova gjen vdekjen në vendin e tij në punës në Itali
Jeta në Zvicër
-
Iniciativat zvicerane synojnë t’i japin fund diskriminimit të çifteve të martuara Partia qendrore e Zvicrës ka dorëzuar nënshkrimet për dy nisma që synojnë "arritjen e drejtësisë për...
-
Ortekët kanë mbytur 14 persona në Zvicër këtë dimër
-
Drejtori i Përgjithshëm i UBS-së, Sergio Ermotti, fitoi 14.4 milionë franga vitin e kaluar
-
Zvicër: Delegacioni i financave kritikon krijimin e sekretariateve të reja shtetërore
-
Cyrihu kërkon të ndryshojë tarifat për procesin e nënshtetësisë zvicerane