Lajme
Vjenë: “Wien Energie” ul çmimet e rrymës dhe gazit – oferta vlen vetëm edhe sot, më 20 shtator
Deri më 20 shtator shumë familje në Vjenë mund të përfitojnë nga oferta e re e kompanisë “Wien Energie” për energji elektrike dhe gaz. Një familje mesatare do të kursente mbi 600 € në vit.
Mijëra familje në Vjenë do të jenë përfituese nga çmimet e ulëta të ofruara nga kompania “Wien Energie”. Nëse dëshironi të kurseni para, duhet të jeni të shpejtë dhe të veproni tani. Qytetarët e Vjenës mund të bëjnë lajmërimin në internet duke klikuar në adresën në www.wienenergie.at/angebot ose në shërbimin e klientit “Wien Energie”.
Të gjithë mund të përfitojnë nga oferta e re e energjisë elektrike dhe gazit nga “Wien Energie” – pavarësisht nëse jeni apo dëshironi nga tash të bëheni klient i kësaj kompanie. Për të gjithë, afati i paraqitjes do të jetë deri ditën e mërkurë, pra më 20 shtator, shkruajnë mediat austriake, përcjell albinfo.at.
Çmimi i ofertës së re është 20.3 centë për kilovat orë (kWh) për energjinë elektrike dhe 7.9 centë/kWh për gazin, duke përfshirë zbritjet. Një familje mesatare në Vjenë mund të kursejë rreth 610 euro në vit.
Furnizimi i besueshëm edhe në kohë të vështira: çmim fiks për një vit
Oferta e “Wien Energie” krahasohet në mënyrë të favorshme me ofruesit e tjerë dhe është një nga tarifat më të lira në gjithë Austrinë. Një avantazh i madh: Tarifat e energjisë elektrike dhe gazit OPTIMA Relaxed vijnë automatikisht me një garanci çmimi njëvjeçar.
Pra, mos u shqetësoni për rritjen e çmimeve: Pavarësisht se si zhvillohen çmimet e tregut në vjeshtë dhe dimër, çmimi i ulët i ofertës fiksohet për 12 muaj. Më pas çmimi do të rregullohet. Nëse çmimet e tregut bien ndjeshëm më tej, çmimet në “Wien Energie” gjithashtu do të bien, transmeton albinfo.at.
340 milionë euro për masat e ndihmës
Oferta aktuale e energjisë elektrike dhe gazit e “Wien Energie” është pjesë e një pakete lehtësimi prej 340 milionë euro që kompania prezantoi në korrik. Përveç këtyre lehtësive të rëndësishme për klientët e energjisë elektrike dhe gazit, “Wien Energie” po zbaton gjithashtu ulje të mëdha çmimesh për bizneset tregtare dhe lehtësim për ngrohjen qendrore.
E-Diaspora
-
Regjistrimi i popullsisë: Diaspora mund të regjistrohet online deri më 31 gusht Qeveria e Republikës së Kosovës ka zhvilluar një mbledhje elektronike, në të cilën, me kërkesë të...
-
Katër mërgimtarët që udhëtuan nga Zvicra në Strugë me biçikletë
-
Kosovë: Në 11 komuna shtyhet regjistrimi i popullsisë deri më 24 maj, për diasporën deri 31 gusht
-
Rreth 350 biznese nga diaspora dhe Kosova u mblodhen në Prishtinë
-
Ermonela Jaho me performancë në Royal Opera House, në skenë me të ngjitet edhe Mbreti Charles III
Jeta në Zvicër
-
A do të largohet selia e FIFA-s nga Zvicra? Të premten organi qeverisës ndërkombëtar i futbollit hodhi themelet formale për një largim teorik nga selia...
-
Shqetësime për planet zvicerane të transportit nëntokësor të mallrave
-
Mbyllet tuneli Gotthard si pasojë e një aksidenti: Pritjet si pasojë e kolonës, deri në një orë
-
Pse kaq shumë organizata sportive ndërkombëtare kanë bazën në Zvicër?
-
Katër mërgimtarët që udhëtuan nga Zvicra në Strugë me biçikletë