Portrete të firmave

“Western Union” flet shqip në Zvicër nëpërmjet “UFC”-së

E shtunë, 18 Qershor 2022 - 13:40 albinfo.ch

Bashkim Haliti - UFC

Bashkim Haliti është njëri prej menaxherëve të UFC-së. Ai drejton agjencinë në Cyrih dhe është njëkohësisht edhe menaxher rajonal për zonën gjermanishtfolëse

Union of Financial Corners SA, ose shkurt UFC, është krijuar në Gjenevë në vitin 2005 dhe drejtohet prej fillimeve të saj nga drejtues shqiptarë. Kompania, njësoj si edhe SBB/CFF përfaqëson Western Unionin në Zvicër, duke ofruar shërbimet e saj nëpërmjet një rrjeti prej rreth 150 agjencive.

Sot do të flasim shqip me Bashkim Halitin, njërin prej menaxherëve të UFC-së, i cili drejton agjencinë në Hardstrasse 8, në Zurich. Z. Haliti është njëkohësisht edhe menaxheri rajonal për zonën gjermanishtfolëse.

albinfo.ch: Z.Bashkim, prej sa kohësh bashkëpunoni me UFC-në ?

B.H: Pas një eksperience të gjatë në agjenci udhëtimesh, prej 2007 jam bashkëpunëtor i UFC-së.

albinfo.ch: Agjencia juaj në Hardstrasse është e njohur prej shqiptarëve të Cyrihut. Çfarë shërbimesh ofroni?

B.H: Në agjencinë tonë ofrojmë kryesisht shërbimet e Wester Unionit për të gjitha komunitetet dhe kombësitë që përdorin këto shërbime në botë. Por sot kam kënaqësinë t’u drejtohem në shqip shqiptarëve, atyre të Kosovës, të Shqipërisë, të Malit të Zi, të Maqedonisë së Veriut, të Kosovës Lindore, të Kroacisë dhe të gjitha vendeve ku jetojnë dhe punojnë bashkëkombësit tanë!

Përveç shërbimeve të Western Union, tek ne ofrohet edhe këmbimi i parave me kurset më të mira që dikush mund të gjejë ne Cyrih, rezervimi i biletave të udhëtimeve, kreditë konsumatore dhe kohët e fundit kemi ofruar dhe shërbimin e këmbimit të kriptovalutave.

albinfo.ch: Cila është veçantia e agjencisë tuaj? Përse shqiptarët vijnë te ju?

B.H: Jemi munduar prej krijimit të kësaj agjencie t’u shërbejmë ndershmërisht dhe të këshillojmë bashkëkombësit tanë për probleme financiare të jetës në mërgim. E bëjmë këtë në gjuhën shqipe, por edhe me cilësi të lartë profesionale. Shërbimet që ofrojmë, qoftë në dërgimin apo këmbimin e të hollave, janë ndër më kompetitivet dhe të sigurtat në Zvicër.

Klientët tanë dërgojnë të holla në bazë mujore për të ndihmuar ekonomitë e familjeve të tyre. Jam shumë i lumtur që sadopak të ndihmoj bashkëkombësit për të ruajtur këtë vlerë të madhe shqiptare, solidaritetin familjar!

Do të vazhdojmë ta bëjmë pa ngurrim dhe të jemi me përkushtim pranë bashkëkombësve tanë edhe në të ardhmen.

Madje, po e shfrytëzoj mundësinë që nëpërmjet Albinfo.ch t’u bëj thirrje të gjithë afaristëve shqiptarë në Zvicër që kanë një lokal tregtar dhe që janë të interesuar për të bashkëpunuar me ne, me qëllim rritjen e të ardhurave të biznesit të tyre, të na kontaktojnë. Ne jemi të hapur për bashkëpunim me ta!

“Për lexuesit e platformës mediale Albinfo.ch, UFC ka vendosur që për muajin qershor të gjitha dërgesat drejt Kosovës të jenë me komisione 0, d.m.th. që bashkëkombësit nuk do të paguajnë shërbimin për dërgesat në Western Union që bëhen prej agjencisë tonë në Hardstrasse.”

Këtu mund ta gjeni zyrën: HARDSTRASSE 8, 8003 Zürich