Sport
Xhemaili: Nuk është me rëndësi kush do të luajë
Para ndeshjes vendimtare kualifikuese tw Kombëtares zvicerane për në KE 2012 me Bullgarinë, ende mbetet e paqartë se kush do të luajë në vendin mesfushorit qendror. Përparësi, sipas mediave zvicerane ka shqiptari Blerim Xhemaili.
Seleksionuesi Ottmar Hitzfekd ende e mban selret këtë pozitë në fushën e gjelbër, ndoshta për ta shfrytëzuar si truk para ndeshjes. Para disa javësh, Blerimi ka shkëlqyer përsëri me lojë, në ndeshjet në Kampionatin italian, tek ekipi i Parmës. Tek italianët, ai njihet si lojtari më i zellshëm dhe është preferuar edhe për detyra të tjera në ekip. “Besoj se lojërat e mia nga Parma do të mund t’i sjell me vete në reprezentacion”, ka deklaruar ai për mediat zvicerane, në fushën e gjelbër, pas një trajnimi. Këtë gjë, ai duhet ta dëshmojë në fanellën e “helvetëve”.
Në ndeshjen miqësore kundër Maltës, ai ishte njëri ndër lojtarët “më pak të këqinj” dhe me kualitetin sulmues dhe stilin e tij të lartë, ai ka disa cilësi të cilat nuk i kanë kandidatët e tij për këtë pozitë, Inler apo Schwegler.
Në pyetjen e parashtruar për shqiptarin 24-vjeçar se si janë parashikimet e tij për pozitën e mesfushorit qendror në ekip, ai përgjigjet: “Është çështje e javës. Me të vërtetë nuk e di. Nuk është me rëndësi se kush do të luajë. Vendimtare është që të arkëtojmë tre pikë”, deklaron Blerimi me një buzëqeshje. Edhe pse ka trajnuar me rrobe të rregullta të reprezentacionit, ai ka sqaruar: “Për momentin, kjo nuk ka shumë domethënie, ky është vetëm një jelek. Tani duhet të ushtrojmë mirë dhe të shtunën do të shohim se kush do të luajë”, përfundon ai.
E-Diaspora
-
Filmi “The Land within”, lufta në Kosovë, e vështruar nga një kënd tjetër Në "Kino Kosova" është shfaqur edhe filmi "The Land within", i regjisorit shqiptaro-zviceran Fisnik Maxville (Maxhuni),...
-
Robin Krasniqi fiton me pikë ndaj portugezit Jorge Silva
-
Sot shfaqet në Cyrih filmi “The Land within”, i regjisorit Fisnik Maxville
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
Jeta në Zvicër
-
Ja sa janë rritur fitimet e shefave të sigurimeve shëndetësore në Zvicër Që nga viti 2016, kompanitë e sigurimeve shëndetësore janë të detyruara të bëjnë të ditur kompensimin...
-
Sa banorë të huaj bëhen shtetas zviceranë çdo vit?
-
Filmi “The Land within”, lufta në Kosovë, e vështruar nga një kënd tjetër
-
Qindra studentë protestuan para Universitetit të Lozanës
-
Fëmijët të mbahen larg celularëve