Sport
Xhemajli i rikthehet sërish Përfaqësueses së Zvicrës
Pas gati dy vjetësh pauzë, futbollisti shqiptar Blerim Xhemajli i rikthehet sërish Përfaqësueses së Zvicrës.
Xhemajli është inkuadruar 5 minuta para mbylljes së pjesës së parë , të mërkurën mbrëma në miqësoren që këta të fundit zhvilluan ndaj Maltës, takim ky që përfundoi pa gola.
Helvetikët, megjithë lojën e mirë të treguar në këtë ndeshje, nuk arritën të shënojnë asnjë gol.
Madje dështuan në realizimin e dy penaltive që për seleksionuesin e përfaqësueses së Zvicrës, Ottmar Hizfeld, ishte vlerësuar si turp për lojtarët e tij.
Megjithëkëtë, mesfushori shqiptar, Blerim Xhemajli tregoi paraqitje të mirë mbrëmë me zviceranët, me të cilët deri tani ka luajtur në vetëm 10 ndeshje.
Ai para këtij takimi ishte në fokus të medieve zvicerane për shkak të raporteve të acaruara me trajnerin Hizfeld.
Xhemajli është shprehur i lumtur që pas një kohe të gjatë po rikthehet me Përfaqësuesen e Zvicrës. “Ishte një kohë e gjatë që unë nuk isha këtu. Ishte me të vërtet zhgënjim për mua. Por, Hitzfeld më tha se kur të isha përsëri i gatshëm për lojë, do të rikthehesha në skuadër”, tha Xhemajli. “Për mua, është gjithmonë një nder të luaj me Zvicrën”, është shprehur për mediet zvicerane mesfushori i Parmës, Blerim Xhemajli.
Kohë më parë, i irrituar nga mos ftesa e përzgjedhësit Ottmar Hitzfeld, Blerim Xhemajli kishte deklaruar se e meriton të jetë në skuadër para rivalëve të tij, Gokhan Inler dhe Pirmin Schwegler.
Kjo kishte bërë që të reagonte Hitzfeld duke i dhënë ultimatum Xhemajlit, përderisa futbollisti shqiptar nga Maqedonia, tha se deklarata e tij ishte keqinterpretuar nga mediet.
Në takimin e mbrëmshëm me Maltën, me përfaqësuesen e Zvicrës ka luajtur edhe futbollisti tjetër kosovar, Xherdan Shaqiri.
Në ndeshjen tjetër kualifikuese të Kampionatit Evropian kundër Bullgarisë, trajneri Hitzfeld i bëri thirrje lojtarëve të tij më shumë përqendrim.
E-Diaspora
-
Robin Krasniqi fiton me pikë ndaj portugezit Jorge Silva Boksieri kosovar, Robin (Haxhi) Krasniqi, ka mposhtur portugezin Jorge Silva të shtunën, në meçin e zhvilluar...
-
Sot shfaqet në Cyrih filmi “The Land within”, i regjisorit Fisnik Maxville
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
-
Gjermani
Iu dha lamtumira e fundit dje mërgimtarit nga Gjermania që humbi jetën në vendin e punës
Jeta në Zvicër
-
Qindra studentë protestuan para Universitetit të Lozanës Disa qindra njerëz u dyndën në kampusin e Universitetit të Lozanës të shtunën për të mbështetur...
-
Fëmijët të mbahen larg celularëve
-
Sot zviceranët votojnë për ligjin e ri të biçikletave dhe kredinë për shkollën profesionale
-
Rritje 293 për qind e studentëve të huaj në Universitetin e Cyrihut
-
Nëntë kilometra bllokim trafiku përpara tunelit Gotthard