Xhudistja nga Zvicra fiton medalje për Kosovën

Loriana Kuka ka fituar medaljen e bronztë në kategorinë 70 kg në garat për Kupën Evropiane për juniorë në Lignano të Italisë

Xhudistja nga Zvicra, Loriana Kuka, ka fituar medaljen e parë, duke përfaqësuar Kosovën në garat ndërkombëtare në këtë sport, shkruan albinfo.ch.

Kuka ka fituar medaljen e bronztë në kategorinë 70 kg në garat për Kupën Evropiane për juniorë në Lignano të Italisë.

Në përballjen për vendin e tretë, Loriana e mposhti gjermanen Gantner Alexandra dhe kështu e fitoi medaljen e bronztë.

Përzgjedhësi i Kosovës në xhudo, Driton Kuka është shprehur shumë i kënaqur për suksesin e Lorianës. “Vjen edhe medalja e katërt këtë fund javë. Si kurrë më parë Kosova ka fituar medalje në gara zyrtare të Kupave Botërore për të rritur në Antalia dhe junior në Lignano të Italisë. Loriana Kuka më në fund kurorëzoi me medalje të bronztë pas katër luftërave në kategorinë 70 kg për juniore në Itali. Java më e bereqetshme e xhudos kosovare e plus ketë javë pushoi kampionia olimpike”, ka shkruar Kuka në “Facebook”.